Never Too Late Dining (已結業)

去咗外国读书之后，都好耐冇入过元朗。 今日约咗个朋友去元朗聚旧，发现元朗已经唔同晒。 成街都系人，想揾个地方倾下计舒舒服服咁食嘢。 发现转角呢间叫Never Too Late 嘅西餐厅。 入咗去好有惊喜， 装修靓，地方又好坐。 望下个menu， 价钱唔贵。 我叫咗个茄汁 鸡扒 意粉， 午餐配一个 餐汤 同嘢饮。 先嚟咗个餐汤，今日系南瓜汤， 我好钟意个汤够晒热，感觉好似系专登为我煮， 上面有黑松露油， 个汤 好好味，好甜嘅南瓜味， 又香又滑， 连个匙羹都想食埋。 之后到个茄汁鸡扒意粉， 鸡扒好厚，但一啲都唔老， 块鸡皮煎到脆卜卜， 想成块当炸鱼皮咁食咗佢， 鸡扒啲肉又好嫩滑。 个香蒜茄汁意粉都好好味，意粉唔会烚到太淋， 番茄味浓蒜蓉味 又 唔会 太强烈。 个餐对我嚟讲 好大份， 虽然咁好食，我都食唔晒。 呢度个侍应好有礼貌好热心， 佢收碟嘅时候 ， 我话畀佢听其实好好食，但我真系太饱。 衷心介绍下， 试下 never too late