薄荷葉泰國菜

营业中

休息中

元朗一间开左好多年既泰国菜餐厅，特别之处在于有户外位置，天气凉凉地时坐系到几舒服，而且呢附近好多人放狗，养宠物人士黎呢度食嘢就岩哂！炭烧牛小排 $198烧牛小排几香炭烧味，虽然无问我地要几成熟，但都有大约7成熟，食落去都易咬开。调味料方面提供左2款，一款系粗盐，另一款系甜甜地既汁。椒盐魔鬼鱼 $138魔鬼鱼系时价，根据size定价钱，我地叫左一份细既share，一上枱见到有三色椒铺系魔鬼鱼上面，好colourful，魔鬼鱼吾系急冻雪藏个啲，所以连骨都可以食埋。椒盐味几重下，而且炸得几脆口。班兰咖哩鸡 $118好少见有班兰咖哩，呢款咖哩以黄咖哩为主，加左椰汁，旁边仲有2块班兰叶，食落去会有少少班兰香味，咖哩完全吾辣！薄饼 $55薄饼有4块，热辣辣好香牛油味，配咖哩好夹。炸虾球 $88炸虾球够弹牙，size大过乒乓波少少。