影片
更多
2014-02-03
3052 浏览
夜麻麻专登系上水渣车入元朗食「泥」… 11点3去到Sense Dessert Café, 呢个位其实都几难揾吓..去到仲有好鬼多人, 攞飞仔等位.. 一等就等咗半个钟..11点9左右先入到去坐低～之前睇《千奇百趣》知道呢到有花盆甜品，咁当然叫一个嚟试试！花盆甜品 / ($45) : 见到Openrice呢到嘅人影相以为好大杯，点知原来都几细杯吓.. 但胜在像真道够高！ 上面有块Mint Leaf，之后D「泥」系朱古力脆脆，入面系正常Tiramisu味道。其实呢$45只系买一个Gimmick同埋影相机会, 味道其实好一般, 同你系街边买十几蚊嘅Tiramisu亦一样味道。杨枝甘露 ($38): 男友只系钟意食中式甜品, 所以好坚持要order杨枝甘露。杨枝甘露上面有个雪糕球，入面有旧好酸嘅芒果搭杨枝甘露，不点也罢… 灰白心太软 ($75): 估唔到呢到都有分子雪糕食, 所谓灰白即系芝麻+Vanilla嘅雪糕，但就transform咗做硬嘅朱古力，中间有个绿茶心太软。由于系雪糕经过低温处理，上嚟𠮶时就已经有好多烟～服务员都再三提醒大家要连心太软食，如果唔系会冻伤。我觉得中间个绿茶心太软，
11点3去到Sense Dessert Café, 呢个位其实都几难揾吓..
去到仲有好鬼多人, 攞飞仔等位.. 一等就等咗半个钟..
11点9左右先入到去坐低～之前睇《千奇百趣》知道呢到有花盆甜品，咁当然叫一个嚟试试！
花盆甜品 [原味 Tiramisu] / ($45) : 见到Openrice呢到嘅人影相以为好大杯，点知原来都几细杯吓.. 但胜在像真道够高！ 上面有块Mint Leaf，之后D「泥」系朱古力脆脆，入面系正常Tiramisu味道。其实呢$45只系买一个Gimmick同埋影相机会, 味道其实好一般, 同你系街边买十几蚊嘅Tiramisu亦一样味道。
杨枝甘露 ($38): 男友只系钟意食中式甜品, 所以好坚持要order杨枝甘露。杨枝甘露上面有个雪糕球，入面有旧好酸嘅芒果搭杨枝甘露，不点也罢…
灰白心太软 ($75): 估唔到呢到都有分子雪糕食, 所谓灰白即系芝麻+Vanilla嘅雪糕，但就transform咗做硬嘅朱古力，中间有个绿茶心太软。由于系雪糕经过低温处理，上嚟𠮶时就已经有好多烟～服务员都再三提醒大家要连心太软食，如果唔系会冻伤。我觉得中间个绿茶心太软，绿茶味太浓，有点甘苦，连埋雪糕一齐食会易D入口。由于都几大碟吓，建议4个朋友一齐开心Share!
**朋友Order的 - 烟熏木糠布甸**: 一上碟摆设都几精美，服务员同我哋讲3分钟后可以开咗个glass cup.. 一打开真系有一阵烟飘出嚟～但食落个木糠布甸就好似有阵烧元宝蜡烛嘅味道.. 你都咪话唔惊！(我哋唔知系咪焗得太耐= __ =”)
嚟呢到食真系食gimmick嘢，你问我系唔系好好食，我可以答你唔系，值唔值咁贵，见人见智，呢到明显贵过出面食嘅甜品。如果未嚟过嘅Openrice朋友仔, 可以嚟吓, 影吓相都OK吧！
题外话/补充资料：
[我最终都系佢哋Instagram问𠮶d系乜烟嚟, Sense回覆系：柠檬木烧出嚟嘅烟]
(以上食记乃用户个人意见 , 并不代表OpenRice之观点。)
张贴
