哈佬燒烤川味

营业中

休息中

黎左咁多次，虽然唔系好想俾人知道呢间咁好食嘅小店，系时候都要教一教功课。首先呢间食店真系好有热诚，老板竟然认得一个月先黎得一次嘅我。钟意食辣嘅人千祈唔好错过。今晚我就叫咗烤鱼同凉拌小菜。首先讲下佢地既凉拌小菜，有好几款：土豆丝，云耳，莲藕，猪耳.....送酒真系一流。烤鱼叫左麻辣大辣。条鱼冇细骨，仲会将条鱼分开两边，真系好易入口同埋鱼肉好滑。注意：大辣系会令到人热血沸腾，所以食唔到辣嘅朋友就最好嗌BB辣或者小辣。火锅料方面叫咗金菇，蚬同埋娃娃菜，值得推荐既系蚬肉，好新鲜好鲜味。平时都唔系饮好多酒嘅我，呢一餐饭令到我枱两人共饮咗三支大啤，而价钱所有加埋都唔洗五百。如果住喺附近，或者钟意食辣嘅人不妨试吓。