台灣郎 (已結業)

天后系肥妹仔近排成日去嘅地方，咁啱肥妹仔喺天后做完嘢，就约埋肥爸一齐去呢一间台湾店到食晚餐!一入到店舖除咗畀佢嘅充满古典味嘅装潢吸引住，佢重播住一啲旧台湾歌，顿时觉得去番咗去以前果d年代咁。凤梨甜酸鱼块  $78其实除咗盐酥鸡酥炸排骨之外，食台湾嘢都有好多选择。肥妹仔我就拣咗呢一个凤梨甜酸鱼块嚟食，佢嘅鱼块系炸到脆卜卜嘅鱼柳， 鱼块下面铺了很多凤梨，上面就淋上了甜酸汁，鱼块食落去爽口弹牙，不错。澎湖小鱿鱼  $98呢一个澎湖小鱿鱼肥妹仔我觉得好好食，首先先讲佢嘅酱汁，佢嘅酱汁应该有少少芥末酱，食落去有少少刺激，但又唔会好辛口。而佢嘅小鱿鱼系原只小鱿鱼，最特别嘅系佢入面系有一啲类似鱿鱼卵，食落去口感好扎实，入面唔会空了了。红烧牛肉面  $88首先呢碗红烧牛肉面份量好多，除咗有红烧牛肉之外，仲有四大件红萝卜同白萝卜。佢嘅牛肉卤得非常入味，肉质唔算好柴，而佢嘅萝卜就煮得非常软淋，入口即溶!佢嘅面条属于扁身面条，口感烟烟靭靭，连埋红烧汤汁一齐食，正。