Artistry Brewing Company

营业中

休息中

之前喺附近食饭，发现咗呢间布置得好靓嘅小店，见佢啲食物都几吸引，所以今次特登嚟试。近门口一排嘅落地玻璃，令到小店好光猛，感觉好开阳。对住落地玻璃嘅系一排吧枱，我见到有人叹住食物咁样开conference call，都几爽。Lunch Menu都几多选择，总共有10款唔同类型嘅食物，我地今次拣咗Steak and Fries，北海道扇贝配野菌糙米饭黑松露乳酪酱，包埋一杯热咖啡或者热果茶。留意餐汤系要加$38，今日系蕃茄汤。蕃茄汤夹蕃茄味道浓郁，一饮第一个感觉系好酸，用面包店嚟食其实系好食嘅，但系可惜面包只得两小块，余下嘅汤就咁饮对我地来讲真系好酸。牛扒咁嘅价钱中规中矩，但系薯条就非常出色。至于个北海道扇贝糙米饭有啲惊喜，配埋个黑松露乳酪酱食非常好味。至于热咖啡就中规中矩，唔系我杯茶。另外叫咗一个cappuccino，要加$28 ，ok啦，似乎呢度嘅咖啡唔系好啱我地嘅口味，不过食物质素系OK嘅。