影片
更多
2013-08-28
294 浏览
首先想讲本人食野唔奄尖, 但亲临呢家月泷天, 真系无办法唔可以出庭作证参佢一本!网上团购知道呢间野标榜有泰式生虾刺生任食, 团购价$118, 但加一服务费$3x, 0630pm-0900pm再加$30, 计返数同Walk in $178 加一差不多, 难得共享天伦, 就一家人试下walk in 价. 我0700pm准时去到, 8成满座, 不过即刻有位, 但竟然带左我去半露天既地方, 冷气唔足够订位时从来无问过我, 唔紧要, 一家人食饭要开心!佢话限时两个钟, 咁梗系一坐低就剔野食啦, 相信食开放题既朋友仔第一样野梗系会点刺身, 我地都一样, 当然亦好期待佢既泰式生虾刺身. 0700pm落order, 只系每五分钟黎少少热盘如烧物. 可能客人愈来愈多, 而楼面根本应付唔黎...咁又何必仲搞团购...? 试左烧多春鱼, 鸡翼, 鸡软骨, 肉丸, 菠萝, 水准一般. 但依然未见刺身踪影... 等到0720pm终于黎刺身, 我地六个人, 但份量我谂系通常放题既一半. 而且叫左北寄贝同泰式生虾无到. 唔紧要, 一家人食饭要开心! 见到甜虾连头, 不过size都系细细只, 最令人惊喜既系细细只既
网上团购知道呢间野标榜有泰式生虾刺生任食, 团购价$118, 但加一服务费$3x, 0630pm-0900pm再加$30, 计返数同Walk in $178 加一差不多, 难得共享天伦, 就一家人试下walk in 价.
我0700pm准时去到, 8成满座, 不过即刻有位, 但竟然带左我去半露天既地方, 冷气唔足够订位时从来无问过我, 唔紧要, 一家人食饭要开心!
佢话限时两个钟, 咁梗系一坐低就剔野食啦, 相信食开放题既朋友仔第一样野梗系会点刺身, 我地都一样, 当然亦好期待佢既泰式生虾刺身.
0700pm落order, 只系每五分钟黎少少热盘如烧物. 可能客人愈来愈多, 而楼面根本应付唔黎...咁又何必仲搞团购...? 试左烧多春鱼, 鸡翼, 鸡软骨, 肉丸, 菠萝, 水准一般.
但依然未见刺身踪影... 等到0720pm终于黎刺身, 我地六个人, 但份量我谂系通常放题既一半
. 而且叫左北寄贝同泰式生虾无到. 唔紧要, 一家人食饭要开心! 见到甜虾连头, 不过size都系细细只, 最令人惊喜既系细细只既甜虾竟然只只连壳!!!!! 如果系大大只, 我唔介意有壳自己剥壳, 我真系第一次食放题要自己剥壳, 又系细细只既甜虾. 唔紧要, 一家人食饭要开心!
等到0745pm. 所谓既泰式生虾刺身仲未黎, 仲有泰式凤爪, 炸鱿鱼须, 冬荫功汤, 泰式猪劲肉全部由坐低开始落order. 咁唯有好声好气同个staff讲啦, 之后隔左阵黎左第二转刺身, 果然有泰式生虾, 但如果你唔点佢既酱汁, 你根本唔会知道自己食紧既原来系泰式生虾!!! 呢点我地都有d失望...唔紧要, 一家人食饭要开心!当再次追单后上述既野就慢慢黎到, 一睇个冬荫功汤, 唔知以为系面豉汤, 我好肯定系滚水加冬荫功粉而炸鱿鱼须就连食野钟意有嚼头既爸爸都话好硬...
有个staff金毛仔, 每当客人交点菜纸俾佢, 佢会keep起大概10分钟, 之后储埋一叠再逐张望, 而唔会直接交去厨房或者入机... 呢个做法真系好有趣, 唔怪得45分钟先黎得两转刺身...大家有无试过食放题台面系一样送都无...漏单, 上菜慢既严重情度去到边途中本身跌左只筷子, 举左手好耐都无人理, 我见佢地忙, 就主动起身面对面问个staff请问筷子系边度拎到, 唔知系咪佢时运高, 面对面都睇我唔道, 好似地铁低头族, 转身行开左, 我唯有拍拍佢: 请问筷子系边度拎, 佢一只手指去远处个柜度, 继续转身走, 呢下我真系引爆左
本身想开开心心食既一餐, 竟然变成咁, 其实食物好唔好食可以话系次点, 一间餐厅有无心做好, 有无用心对客人先系最重要
题外话/补充资料：
埋单后见到门后有十几人等位, 可能都系团购既朋友抱住试一试既心态... 但若然月泷天对客人既态度, 上菜既速永再无改善, 相信只能吸引新既客人, 试问有边个再试第二次?
(以上食记乃用户个人意见 , 并不代表OpenRice之观点。)
张贴
