影片
更多
2021-12-11
390 浏览
近排忙完，就约左朋友一齐去食好野。朋友指明要食西餐锯扒，于是我就努力发掘高质嘅西餐厅。最后推介朋友去Chef Stage de Eddy Chu，今次系我第二次到访呢间餐厅，上一次已经系四年前，打算睇下餐厅系咪依然保持水准。餐厅嘅设计风格以白色为主，简单得黎又不失情调。如果坐近窗边，仲可以睇到美丽既海景。当日我地夜晚黎，所以可以睇埋维港夜景😍由于唔想影响其他食客，所以我地冇影到环境相。四年前同另一个朋友到访嘅时候，我地试左佢嘅lunch set，当时觉得一试难忘。今次我同朋友决定拣佢5 course set dinner，希望有个完整嘅晚餐体验。蟹肉三文鱼沙律 Crab meat and smoked salmon 第一道菜就系蟹肉三文鱼沙律，净系睇卖相已经好开胃😍🥗沙律菜同蕃茄都好新鲜，配上酸酸甜甜嘅黑醋同埋沙律酱，味道丰富。烟三文鱼以一个球状呈上，造型非常特别。用刀将三文鱼球一分为二，里面竟然包住份量十足嘅蟹肉，好有惊喜。带点咸香嘅烟三文鱼同鲜嫩嘅蟹肉非常夹，我地都好钟意呢道小菜。👍🏼黑松露蘑菇汤 Mushroom and black truffle soup 🍄🥣品尝完沙律之后，
餐厅嘅设计风格以白色为主，简单得黎又不失情调。如果坐近窗边，仲可以睇到美丽既海景。当日我地夜晚黎，所以可以睇埋维港夜景😍由于唔想影响其他食客，所以我地冇影到环境相。
四年前同另一个朋友到访嘅时候，我地试左佢嘅lunch set，当时觉得一试难忘。今次我同朋友决定拣佢5 course set dinner，希望有个完整嘅晚餐体验。
蟹肉三文鱼沙律 Crab meat and smoked salmon
第一道菜就系蟹肉三文鱼沙律，净系睇卖相已经好开胃😍🥗沙律菜同蕃茄都好新鲜，配上酸酸甜甜嘅黑醋同埋沙律酱，味道丰富。
烟三文鱼以一个球状呈上，造型非常特别。用刀将三文鱼球一分为二，里面竟然包住份量十足嘅蟹肉，好有惊喜。带点咸香嘅烟三文鱼同鲜嫩嘅蟹肉非常夹，我地都好钟意呢道小菜。👍🏼
黑松露蘑菇汤 Mushroom and black truffle soup 🍄🥣
品尝完沙律之后，餐厅紧接递上黑松露蘑菇汤。我同朋友都好钟意黑松露嘅味道，呢一个汤完全符合我地嘅口味。黑松露香气十足，加上细滑嘅cream，每一啖汤都系浓郁creamy~ 😋
蟹肉冬阴公日本年糕 Rice cake with crab meat Tom Yum Kung 🦀🍡
第三道菜就系非常独特嘅蟹肉冬阴公日本年糕，个人觉得最有惊喜。其实我地食之前冇细阅餐牌，所以一入口嘅时候，被佢嘅冬阴公辣味🌶同埋软绵绵嘅日本年糕震慑左 😋 完全冇谂过冬阴功、蟹肉同日本年糕可以组合成咁正嘅小菜！我好钟意冬阴功𠮶种辣味，辣得黎好过瘾。
食咗三道菜之后，终于嚟到戏肉啦～我点咗烧澳洲羊鞍，而朋友就点左美国肉眼扒。
烧澳洲羊鞍 Roasted Australia rack of lamb $588 🐑
烧澳洲羊鞍嘅摆盘好精致，两大件嘅羊鞍互相靠拢，旁边放有美味甜番薯🍠同埋红萝卜🥕。由于我有啲怕生，所以点左七成熟。
羊鞍外面烧至香脆嘅咖啡色，但切开入边仲系呈现浅粉红色。烧羊鞍肉质鲜嫩，充满羊膻味，中意食羊肉嘅朋友会好满意。
慢烧美国牛肉眼 Slow cooked US beef ribeye $598
朋友点左慢烧美国牛肉眼，肉眼扒重300g，非常厚身 🥩 由于牛扒系慢烧嘅关系，内里系大约四成熟，所以可以清晰地见到粉红色嘅牛肉。
美国肉眼扒表皮好脆，但里面啲牛肉好鲜嫩多汁，十分juicy～牛既脂肪分布均匀，我好中意牛排带点牛筋，好有唧头😆
蓝莓芝士蛋糕 Blueberry cheese cake (dessert of the day) 🫐🧀🍰
食完主菜之后，最后呈上嘅就系是日甜品— 蓝莓芝士饼。甜品非常精致，两件四方嘅芝士蓝莓饼，配以士多啤梨同埋芒果做伴碟，卖相十分吸睛。
芝士味道浓郁，表层嘅蓝莓酱鲜甜🫐，入口香软细滑。精致小巧嘅蓝莓芝士蛋糕为当日晚餐完美作结～🍰
餐厅选料上盛，食材新鲜不在话下，大厨制作认真，重视食物既质素同食客既满意度，几乎每一道菜都有惊喜。我会同朋友再黎食过！😋
张贴
