巴剎雞飯 (已結業)

高街呢一个地方，夹杂住西营盘一点怀旧与地道的风味，经过呢一间有鸡食嘅<巴刹鸡饭>餐厅，比佢哋嘅港式怀旧圆枱吸引住，便进店一试。餐厅里面嘅环境，有啲似室内嘅大排档，带点七八十年代嘅怀旧港式风味。<巴刹鸡>先来半只巴刹鸡，呢度嘅招牌菜巴刹鸡，鸡肉相当之嫩滑，入口感觉就好似海南鸡嘅感觉一样，而且已经去晒骨，入口啖啖肉，软滑好食。个人特别喜欢佢供应嘅酱料，将姜同埋葱蓉混和打成溶，非常特别。<姜葱猪油渣捞面>呢个姜葱猪油渣捞面，真系唔系有好多地方有得食，虽然呢个捞面系极度邪恶，但系我哋都不惜一切，一定要试下。呢个面上面有一啲猪油渣，咬落去外面微脆，入面嘅油爆晒出嚟，餐厅用上大量嘅姜葱同捞面一齐食，令油香味道更为突出，非常好食。<皮蛋饺>呢个皮蛋饺嘅皮极薄，而入面嘅馅料有皮蛋同埋猪肉，以手工饺嚟讲，用上皮蛋馅料非常特别，皮薄馅靓。<沙爹牛肉串烧>又系一个惊喜之作，餐厅用上炭炉来保持住烧肉嘅热度，入口绝对热辣辣，而且配上花生沙嗲酱汁，惹味好食。<手抓饼>用上大量椰丝、花生、同埋咖央来作为馅料，甜甜地又带有