Sam’s Kitchen (已結業)

以前喺伦敦读书, 好钟意食英式松饼, 但返到嚟香港之后, 除咗喺屋企自己整之外, 出街好难揾到好味嘅scones (英式松饼)。如果同我一样都钟意食英式松饼, 我最近会推荐呢间😍！ 🇬🇧主打英式甜点: 自家手工制无添加果酱、英式牛油松饼。水果手工松饼, 每日新鲜制作。今期自家制果酱有🇰🇷韩国草莓果酱、柚子果酱。果酱可以搭配多士, 用嚟冲茶饮都得~ 食scones一定要搭配clotted cream同士多啤梨酱🍓！英式松饼中间夹住新鲜士多啤梨、草莓果酱、clotted cream。英式松饼表层焗至金黄色, 入口松软湿润, 中间柔软。虽然系冻食, 但唔会系好粉𠮶啲。整体松化, 拎上手唔易松散, 唔会食到周围都系饼碎。英式松饼嘅牛油味唔会太重🧈, 相对冇咁腻。即使拎上手食, 亦唔觉得太油腻。Clotted cream好软滑, 奶香浓郁, 再搭配果酱, 味道层次更丰富!推荐自家制草莓果酱 👍🏻 ！用上韩国士多啤梨🍓, 味道鲜甜, 无添加, 纯手工制作, 系新鲜士多啤梨嘅味道, 比平时食开嘅草莓果酱冇咁甜。我仲额外加多啲果酱落我个松饼上面, 我一路食, 一路系咁赞佢啲果酱超好味的呢😋！