影片
更多
2023-03-14
177 浏览
早前约咗朋友去试呢间位于中环区，网上正评非常多嘅饺子店。奈何用餐经验未如愉快，原本打算由得佢，下次唔再到访就算，点知见到某M记网媒大肆报导，赞到天花龙凤，本人担心有任何香港地专业水鱼错过呢间店，特意在此打食评分享本人的用餐经验。😗😗环境：首先，由于店铺面积小，用餐环境非常逼，肥少少都入唔到去坐入面啲位。咁明嘅，喺寸土寸金嘅中环，租金贵嘛，理解。不过枱同抬之间隔得咁埋，都几好奇疫情期间如何喺唔触犯政府政策下经营。内部照明光亮,唔错👍🏻卫生：走廊地板有D黏。可能想节省人力，就算系堂食都要用即弃胶碗，卫生系卫生，但唔环保。食物：两个人叫咗3碟煎饺，1碗水饺，1个小食，同埋每人一枝豆浆。饺子每份6只，饺子大小就大概系日式拉面店D午市拉面套餐(拉面+饺子）入面D饺子嘅大小，即系一口饺再大翻一个尾指头少少，绝对唔系期望会喺饺子专门店见到嘅size。👽味道方面，煎饺发挥正正常常，唔难食但唔好食。皮唔算薄，馅料算少，少到我个friend食紧边款饺子都唔知。不过个饺细到咁,都好难做到口感饱满。个水饺可能因为个皮太厚，食落好大阵面粉味😬。个丝网春卷小食ok的，上菜时系热嘅，应该啱啱炸起。豆浆系壹品豆浆，唔
环境：首先，由于店铺面积小，用餐环境非常逼，肥少少都入唔到去坐入面啲位。咁明嘅，喺寸土寸金嘅中环，租金贵嘛，理解。不过枱同抬之间隔得咁埋，都几好奇疫情期间如何喺唔触犯政府政策下经营。内部照明光亮,唔错👍🏻
卫生：走廊地板有D黏。可能想节省人力，就算系堂食都要用即弃胶碗，卫生系卫生，但唔环保。
食物：两个人叫咗3碟煎饺，1碗水饺，1个小食，同埋每人一枝豆浆。饺子每份6只，饺子大小就大概系日式拉面店D午市拉面套餐(拉面+饺子）入面D饺子嘅大小，即系一口饺再大翻一个尾指头少少，绝对唔系期望会喺饺子专门店见到嘅size。👽
24 浏览
0 赞好
0 留言
味道方面，煎饺发挥正正常常，唔难食但唔好食。皮唔算薄，馅料算少，少到我个friend食紧边款饺子都唔知。不过个饺细到咁,都好难做到口感饱满。个水饺可能因为个皮太厚，食落好大阵面粉味😬。个丝网春卷小食ok的，上菜时系热嘅，应该啱啱炸起。豆浆系壹品豆浆，唔系自家出品，所以无咩好评价。
19 浏览
0 赞好
0 留言
服务：ok 啦 正正常常
价钱：套餐有三种（1.米线餐58蚊 2.米线小食餐68蚊 3.饺子餐74蚊）煎饺另加4蚊，特色饺另加9蚊，大部分小食要另加7-24蚊，某些米线加5蚊，饮品全都要加7蚊，啤酒加30蚊。话就话中环地价贵，但系呢间饺子店已经位于隐蔽小巷3兄弟嘅其中一条，租金应该无大街咁贵。套餐本价已经唔算平，仲要加埋一大堆additional charge, 计翻开其实系一间价格非常进取嘅饺子店。
抵食程度：量少价高，我同我个friend食完唔够饱要食埋下场狗仔粉同烧卖先够。利申我地唔系大胃王，食正常份量架！😌
另外，条片中最令本人觉得难以理解嘅部分系点解店家就无加价一事如此自豪。佢本身定价已经可以跑赢5年通胀，依家仲要用机器喺九龙湾工厂包，成本低咗，减埋通胀都系赚多咗😂 唔系难食嘅，但系饺子控无谓专程嚟食。奉劝店家如果有咁多闲钱做宣传买食评，不如用心包饺子，唔好整臭某人母亲个朵 🤓
张贴
