有口福 (已搬遷) 新店位置

九龙城一直比人既感觉只有泰国菜馆，其他菜式好似比人冷落左咁，所以今日一场黎到九龙城决定要试川菜！ 呢间有口福外表睇起黎好似茶餐厅，但估唔到食物既质素唔会好似茶餐厅咁马虎。一坐低得我同朋友已经立即研究餐牌，麻辣鸡煲，胡椒猪肚鸡煲都好吸引, 有选择困难症既我当然要问下老板有咩好介绍,最后我地点左小辣鸡煲。必点菜式：脆椒鸡软骨 $88经老板强烈推荐下，我半信半疑地点左。整碟小菜卖相讨好，鸡软骨炸得金黄，咬落酥脆香口，带咸香，最适合饮住啤酒食！而本以为红椒会辣，但原来唔会，红椒炸到好香脆，好似食紧薯片咁。麻辣鸡煲（半只）$158+猪脆喉骨$68呢间店有好多好有特色既火锅配料，一见到猪脆喉骨，即刻问老板好唔好食！老板话喉骨脆口特别，最好叫鸡煲既时候点埋放入煲中同鸡一齐煮，会令鸡煲特别鲜甜。半只鸡既鸡煲份量十足，足够两人开心分享。汤底香浓偏咸，小辣容易入口，鸡件大小适中。煮好时急不及待试试猪脆喉骨，一款系圆筒形只有脆骨所以十分爽脆，另一款系脆骨上带肉，肉质非常嫩滑而入味，连埋脆骨一齐食好有口感。呢个脆骨我都系第一次见，咁特别大家黎到记得一试。响铃另一款必点配料-呢度既响铃系自家制，份外酥化，简直有