影片
更多
2022-08-09
2775 浏览
Hugo’s系仪式感满满嘅一间餐厅🤩餐厅位于尖沙咀凯悦酒店，喺K11隔离。我喺酒店官网预订，网站会问系唔系第一次去，同埋系唔系去庆祝乜嘢特别节日，我揿咗系庆祝生日🎉去嘅前一日，餐厅就打电话嚟确认生日𠮶位嘅名，同埋问使唔使预留Hugo’s signature嘅prime rib🥩去到餐厅，先上餐包🥐餐包有三款，当中蒜蓉包最惹味，有另一个好似酥咁嘅都唔错，牛油味重，最长𠮶个就相对硬身🥖跟住前菜餐车就嚟喇🥰 全餐三架餐车里面前菜餐车最得意，好似摩天轮🎡咁，有好多款前菜可以选择。侍应会好快咁介绍有啲乜，然后问你想要边样。我决定唔到，就问”我可唔可以乜都要啲？”😛侍应都应该见惯不怪㗎喇，话可以，不过拣前菜系一次性，边样要多啲少啲就话佢知。每款前菜都唔错，当中我最钟意牛脷👅三道菜嘅午市套餐包咗自选前菜🥗或者龙虾汤🦞，我就拣咗前者，不过加咗HK$120要埋个龙虾汤。如果二选一，一定系前者抵啲特别啲。龙虾汤味道唔错，但系未至于好好饮，基于呢个午餐好多嘢食(最后我食到连餐饮☕️都饮唔晒)，可以唔使加。主菜我哋拣咗prime rib🥩同多宝鱼柳🐟Prime rib由师傅推餐车🛒喺我哋面前切。听到我哋话想sh
去到餐厅，先上餐包🥐餐包有三款，当中蒜蓉包最惹味，有另一个好似酥咁嘅都唔错，牛油味重，最长𠮶个就相对硬身🥖
跟住前菜餐车就嚟喇🥰 全餐三架餐车里面前菜餐车最得意，好似摩天轮🎡咁，有好多款前菜可以选择。侍应会好快咁介绍有啲乜，然后问你想要边样。我决定唔到，就问”我可唔可以乜都要啲？”😛侍应都应该见惯不怪㗎喇，话可以，不过拣前菜系一次性，边样要多啲少啲就话佢知。
每款前菜都唔错，当中我最钟意牛脷👅
三道菜嘅午市套餐包咗自选前菜🥗或者龙虾汤🦞，我就拣咗前者，不过加咗HK$120要埋个龙虾汤。如果二选一，一定系前者抵啲特别啲。龙虾汤味道唔错，但系未至于好好饮，基于呢个午餐好多嘢食(最后我食到连餐饮☕️都饮唔晒)，可以唔使加。
主菜我哋拣咗prime rib🥩同多宝鱼柳🐟
Prime rib由师傅推餐车🛒喺我哋面前切。听到我哋话想share，侍应就安排师傅将一份prime rib分两碟上🍽，Yorkshire pudding都系。
Hugo’s 嘅 prime rib外层包满黑椒(唔系我杯茶🍵)，淋上肉汁，味道可以，但系有筋，肉质唔算好好。相对之下Lawry’s更胜一筹👍
Prime rib配上一个细薯仔🥔，可以拣淋上sour cream同葱粒烟肉粒🥓。
多宝鱼柳🐟份量较细，个汁系三色椒味🫑，肉质唔算嫩滑，我觉得一般。
主菜的确比较失色。既然前菜同甜品咁多嘢食，谂返转头我觉得主菜叫个最平嘅意式云吞🥟就可以喇。
食完主菜，其实已经好饱，不过都系抵挡唔住甜品餐车嘅诱惑🤪
甜品任拣两款蛋糕🍰，两款水果🍓蛋糕系一般酒店嘅级数，好食但系就冇乜特别。生果我拣咗芒果🥭同蜜瓜🍈，芒果超级甜，正😋
值得一赞嘅系侍应serve完每一两枱客人之后都会refill架餐车🛒，你唔会觉得自己拣紧人哋拣完晒剩返嘅嘢。
餐厅仲另外送上一件抹茶蛋糕🧁比生日寿星，蛋糕上面写咗生日牌同插咗蜡烛。当日见到几枱都有侍应送上蛋糕，应该都唔少人嚟Hugo’s庆祝特别节日🎊
整体用餐体验良好，不过上菜同提供餐牌都比较慢，个午餐我总共食咗三个钟，仲要系我赶时间所以早走咗🏃♀️我觉得呢间餐厅适合悠悠闲闲去食饭chill下或者庆祝特别节日，如果𠮶日忙就唔好去喇🕰
💰: HK$500-700 pp (Lunch)
💝: 8/10
张贴
