影片
更多
2020-07-08
331 浏览
其实我不嬲都好钟意食印度菜，但系讲真，要揾到志同道合一齐都钟意食印度菜嘅朋友都唔系咁容易。难得今晚约多几个都爱食印度菜嘅朋友，就俾心机揾一个适合我哋一边倾偈，一边欣赏印度菜嘅地方。呢间餐厅个名好特别，叫Hello India! 原来老板想将印度比较活泼可爱嘅一面带畀香港人 ，所以呢度嘅装修充满色彩，有传统嘅印度风格之余，亦有将一众大明星嘅公仔画成壁画，你又认得几多个？众所周知，印度菜主要系以香料同咖喱搭配唔同嘅食材制作而成，呢间餐厅嘅老板系素食者，佢太太系肉食者，所以呢间餐厅嘅餐牌既有肉食，亦有素菜，所以都好适合香港人嘅口味。今晚我哋四个人，主要叫一啲小食同埋简单嘅主菜。首先就系呢个杂菜咖喱角，大大只咖喱角，里面有啲青豆蓉同埋杂菜，外皮唔算太厚，馅料亦都好多香料，很适合作为开胃小食。跟住呢个小食非常之特别，叫做炸米饼配薄荷汁，卖相就好似一shot shot cocktail，食嘅时候将下面嘅汁倒入上面嘅炸米饼，感觉非常清新， 充满惊喜。食印度菜又点少得食印度烤饼Naan呢？今晚我地拣嘅系蒜味烤饼，用嚟配之后嘅咖喱汁真系非常之开胃。主菜方面，有我最钟意嘅印度芝士菠菜，我觉得呢个差唔多系每
呢间餐厅个名好特别，叫Hello India! 原来老板想将印度比较活泼可爱嘅一面带畀香港人 ，所以呢度嘅装修充满色彩，有传统嘅印度风格之余，亦有将一众大明星嘅公仔画成壁画，你又认得几多个？
众所周知，印度菜主要系以香料同咖喱搭配唔同嘅食材制作而成，呢间餐厅嘅老板系素食者，佢太太系肉食者，所以呢间餐厅嘅餐牌既有肉食，亦有素菜，所以都好适合香港人嘅口味。
今晚我哋四个人，主要叫一啲小食同埋简单嘅主菜。首先就系呢个杂菜咖喱角，大大只咖喱角，里面有啲青豆蓉同埋杂菜，外皮唔算太厚，馅料亦都好多香料，很适合作为开胃小食。
跟住呢个小食非常之特别，叫做炸米饼配薄荷汁，卖相就好似一shot shot cocktail，食嘅时候将下面嘅汁倒入上面嘅炸米饼，感觉非常清新， 充满惊喜。
食印度菜又点少得食印度烤饼Naan呢？今晚我地拣嘅系蒜味烤饼，用嚟配之后嘅咖喱汁真系非常之开胃。
主菜方面，有我最钟意嘅印度芝士菠菜，我觉得呢个差唔多系每次食印度野都会有一个主菜，啲菠菜用搅拌机同芝士混合成蓉，香浓幼滑，同印度薄饼好夹。
第二道主菜系印度咖喱鸡，呢度嘅咖喱香而不辣，咖喱汁用咗好多种香料，一端上枱一阵阵香味扑鼻，配衬埋个印度薄饼，我一个人都可以食一碟！
唔知点解觉得印度人整鸡真系有一手，呢个特色烤鸡又系一个signature dish，用铁板上嘅烤鸡热辣辣，鸡肉嫩滑，调味惹味，一人一份都唔会嫌多！
最后要食返啲蔬菜，叫咗呢个炒杂菜球，同平时炒杂菜有啲唔同，餐厅用咗薯仔同其他豆类混合成球状，再用啲秘制香料炒香，完全唔似食紧素食。
整体来讲，呢间餐厅无论装修、食物质素、以至服务都比同区其他印度餐厅高分，下次嚟开尖沙咀想食印度野，除咗重庆大厦之外，又有多个新嘅选择！
张贴
