黔館 (已結業)

话说有次睇报纸见到有博客介绍呢间黔馆，令我回忆返起几年前同一班旅游朋友自驾游去贵州加榜梯田开心嘅经历。果次去贵州旅行喺从江街边档食过烤活鱼，印象中系好惹味，辣辣地有点炸花生好香口，所以好想再试下贵州菜。喺香港好少听到话有贵州菜，一知道有间新野，于是又蠢蠢欲动咁约返啲喜欢食辣嘅知音人开餐。大家放工后相约在高登附近等，之后就行去揾黔馆，原来要行到桂林街尾与青山道交界个角落位就见到。门面好光鲜，有型格，但食饭时间都不算多人，我地3人坐在卡位好松动。坐低后侍应就攞左部ipad mini嚟，我地仲喺ipad上面督嚟督去点𩠌，但原来只系比我地当菜牌睇，唔系用嚟点菜嘅。不过唔紧要，呢度人手都好足够，人手落单仲方便，差唔多一对一服务咁济，侍应服务都好殷勤。我地当然要试下呢度嘅酸汤鱼啦，我地叫左少辣，另外叫左个薯仔小食，同埋睇见炒饭张相好吸引，就叫住咁多先啦。主角上枱了，一睇落火辣辣嘅橙红色汤底，配上乌江鱼做主角，条鱼大约斤零重，配点娃娃菜,豆腐等。其实我好少食乌江鱼，但钟意食鱼嘅我基本上咩鱼都觉得好食，乌江鱼鱼肉好嫩滑，又唔怕有细骨，配上酸酸辣辣嘅汤底真系好开胃，食到鱼嘅鲜香，但煲酸汤真系越滚越酸越辣