影片
更多
2022-06-06
178 浏览
最近会展站开通咗，想去湾仔海旁行下就更加方便🙆🏻♀️！喺湾仔码头上方嘅Pier1929早就已经喺我嘅bookmarked list里面，入到去果然同我预想嘅差唔多，除咗楼底非常高之外，更被维港靓景包围，喺度用餐特别放松，最紧要价钱唔算贵，Dinner set以主菜价钱而定，已经包括咗餐汤、前菜同甜品一共四道菜，都只系由$298起跳✨• 龙虾浓汤 +$40望落呈深橙红色，龙虾味非常突出，饮完个胃好舒服😚• 凯撒沙律配巴马火腿沙律可以选配烟三文鱼或者巴马火腿，唔算好有特色不过食主菜前清下个味蕾都唔错😌• 无花果酱香煎鸭肝配多士 +$40鸭肝煎至金黄微焦，口感外脆内软，无花果酱酸酸甜甜，与油香丰富嘅鸭肝相辅相成，食落冇咁油腻，多士亦烘得好香脆🤤• 西班牙慢煮乳猪配青苹果烧汁伴椰菜沙律、芦笋给及脆薯角 $368切落去𠮶下已经可以感受到个外皮系几咁卜卜脆，乳猪以75度慢煮咗18个钟头，所以肉质超级滑嫩，可以话系颠覆咗我对猪肉嘅印象，加上特制嘅青苹果烧汁，香口之中带清新嘅感觉，推介🔥• 澳洲M5和牛西冷伴薯角
喺湾仔码头上方嘅Pier1929早就已经喺我嘅bookmarked list里面，入到去果然同我预想嘅差唔多，除咗楼底非常高之外，更被维港靓景包围，喺度用餐特别放松，最紧要价钱唔算贵，Dinner set以主菜价钱而定，已经包括咗餐汤、前菜同甜品一共四道菜，都只系由$298起跳✨
• 龙虾浓汤 +$40
望落呈深橙红色，龙虾味非常突出，饮完个胃好舒服😚
• 凯撒沙律配巴马火腿
沙律可以选配烟三文鱼或者巴马火腿，唔算好有特色不过食主菜前清下个味蕾都唔错😌
• 无花果酱香煎鸭肝配多士 +$40
鸭肝煎至金黄微焦，口感外脆内软，无花果酱酸酸甜甜，与油香丰富嘅鸭肝相辅相成，食落冇咁油腻，多士亦烘得好香脆🤤
• 西班牙慢煮乳猪配青苹果烧汁伴椰菜沙律、芦笋给及脆薯角 $368
切落去𠮶下已经可以感受到个外皮系几咁卜卜脆，乳猪以75度慢煮咗18个钟头，所以肉质超级滑嫩，可以话系颠覆咗我对猪肉嘅印象，加上特制嘅青苹果烧汁，香口之中带清新嘅感觉，推介🔥
• 澳洲M5和牛西冷伴薯角芦笋 $428
呢块西冷牛扒嘅牛味好香浓，可惜比起我哋order嘅熟度稍为熟咗少少，都有同餐厅沟通返，期待佢哋日后有改善☺️💪🏻
• 是日精选甜品
甜品有惊喜，抹茶挞唔系假胶绿茶味，系实实在在微涩嘅深绿色抹茶，甜度同涩度控制得唔错，挞皮薄脆有牛油香，而且仲有流心效果！连伴碟嘅雪糕都系自家制，几有诚意，可以见到真材实料嘅云呢拿籽，口感同味道拍得住贵价牌子👏🏻
• Dionysus +$55
想饮啲易入口嘅cocktail，店员就推介我哋试试呢款。呢款以Gin酒做基底，加入咗柚子、姜同柠檬，整体感觉以清新为主，几啱女仔饮！
• Caramel & Apple Rooibos +$20
另外都嗌咗壶热茶饮下，焦糖苹果味嘅茶都系第一次见，倒出嚟已经闻到浓浓香味，风味特别😌
张贴
