湕承 · 台式便當

营业中

休息中

朋友喺金钟返工，lunch成日唔知食乜好。今次我就上网search左呢间台式便当，见到餐厅今日12月24号系帮儿童院义卖，价钱又几抵，就买埋比朋友一齐食。🐮牛肉寿喜烧汤炖赞岐乌冬 $68可以免费追加乌冬半份，因为知道我哋嘅食量都比较大，所以我哋两个都加咗半份乌冬。汤底都几清甜，牛肉都几多，应该都有成八九块。乌冬弹牙，仲有几片红萝卜同埋娃娃菜，感觉健康。🐷烤台湾肠·烤花枝丸·卤蛋肉燥干拌赞岐乌冬 $68有两粒花枝丸、六片台湾肠、半只卤蛋、一堆酸菜同埋一堆青瓜粒，材料丰富。再加埋肉燥，捞落个乌冬到，食落相当有满足感。肉燥嘅酱汁相当浓稠，味道偏甜，相当够味。加左半份乌冬之后，份量十足，一定够饱。台湾肠同花枝丸都烤得好香，食得好滋味。🥬蒜蓉炒椰菜每个套餐都可以拣一份小食或者一杯饮品，我地两个餐都拣左蒜蓉炒椰菜。椰菜唔会有太多油，又蒜味十足，充满台湾嘅味道，好正。一餐入面有乌冬又有肉又有菜，感觉营养均衡。其实我觉得一间餐厅愿意喺平安夜，将自己全数嘅现金收入捐赠比儿童院，系一件好有意义同埋值得鼓励同支持嘅事。加上味道又唔错，我谂我以后都会多啲买呢间嘅便当。