影片
更多
2023-11-12
74 浏览
啱啱秋风起，又想食香港人一年365日都钟意嘅打边炉。今次去咗九龙城同捞同煲（铜锣湾店）。我哋5:30嚟到，由于时间尚早，有好多位可以拣。侍应带我地系舒服嘅卡位坐低咗。店内装修好有香港怀旧特色。霓虹灯，公鸡碗，绿色窗框，纸皮石阶砖等等，带我哋搭时光机回到昔日嘅香港。侍应喺我哋面前用热水将餐具再清洗一次，令我哋食得安心。我哋点咗以下嘢食.胡椒猪肚少爷鸡汤：有两大旧猪骨喺胡椒汤锅入边。再有半只无激素鸡另上。汤底滚起，侍应帮我哋将半只鸡放入汤锅入边，叫我哋4分钟之后就可以品尝啲鸡先，之后饮完个汤后再加汤做火锅汤底。我哋跟住侍应所讲既去做，啲鸡真系好滑。胡椒味好香，但又唔会太劲抢晒啲味同唔会太辣。猪肚冇怪味，厚身，爽嫩，易咬开。其实净系食完呢个锅都已经饱饱地。黑松露墨鱼滑拼蟹籽虾滑：两个滑都好弹牙新鲜。虾滑拼埋蟹籽啲粒粒，咬落更加卜卜声。而黑松露同墨鱼既味道好夹（一个味道好抢，一个味道清鲜），黑松露一摆入口已经好香。凤城水饺：一口一粒，入面𠮶啲虾好新鲜爽口，配搭埋木耳丝，口感更加丰富。特级手切牛肉（大）：雪花分布均匀。牛肉味浓，鲜嫩易咬开。老友鬼鬼（小食）：其实即系黑松露墨鱼滑，酿喺油炸鬼入边再
我哋5:30嚟到，由于时间尚早，有好多位可以拣。侍应带我地系舒服嘅卡位坐低咗。
店内装修好有香港怀旧特色。霓虹灯，公鸡碗，绿色窗框，纸皮石阶砖等等，带我哋搭时光机回到昔日嘅香港。
侍应喺我哋面前用热水将餐具再清洗一次，令我哋食得安心。
我哋点咗以下嘢食.
胡椒猪肚少爷鸡汤：有两大旧猪骨喺胡椒汤锅入边。再有半只无激素鸡另上。汤底滚起，侍应帮我哋将半只鸡放入汤锅入边，叫我哋4分钟之后就可以品尝啲鸡先，之后饮完个汤后再加汤做火锅汤底。我哋跟住侍应所讲既去做，啲鸡真系好滑。胡椒味好香，但又唔会太劲抢晒啲味同唔会太辣。猪肚冇怪味，厚身，爽嫩，易咬开。其实净系食完呢个锅都已经饱饱地。
黑松露墨鱼滑拼蟹籽虾滑：两个滑都好弹牙新鲜。虾滑拼埋蟹籽啲粒粒，咬落更加卜卜声。而黑松露同墨鱼既味道好夹（一个味道好抢，一个味道清鲜），黑松露一摆入口已经好香。
凤城水饺：一口一粒，入面𠮶啲虾好新鲜爽口，配搭埋木耳丝，口感更加丰富。
特级手切牛肉（大）：雪花分布均匀。牛肉味浓，鲜嫩易咬开。
老友鬼鬼（小食）：其实即系黑松露墨鱼滑，酿喺油炸鬼入边再炸。油炸鬼炸得好脆，再配埋弹牙嘅黑松露墨鱼滑，外脆内软。
怀旧虾多士（小食）：虾滑酿喺方包上面再炸，方包炸得透身，好香口。做小食一流。
啫喱（赠送）：侍应会问你要唔要花奶。有一把可以收得埋嘅纸伞，喺啫喱上面，好得意，好怀旧. 真系好多年都冇见过。
怀旧糖不甩（赠送）：呢个好特别。侍应会带两条金鱼仔（糖不甩未加热前嘅样）过嚟你面前，再放金鱼仔喺头先个汤底入边加热至个心软熟。跟住就会剪开金鱼仔做一粒粒，再在表面加上花生碎同糖，就完成新鲜热辣嘅糖不甩喇。花生粒有大有细，衬埋软熟嘅糖不甩，口感丰富。
张贴
