元祖沾麵專門店

营业中

休息中

忙咗成个星期，终于有时间窜出去尖沙咀行下，行程当然唔少得食好嘢；之前喺日本食过沾面之后就一直好挂住呢种味道，今日系时候要重拾呢个味道。估唔到4-5点嚟食都坐满人，上次经过元袓沾面已经好想试，今次终于有机会。虽然店面细细，但系内部装修好有日式风格。店家选用京都宇治抹茶招待客人，好似去咗日本咁平时少食沾面系因为食到咁上下个汤就会冻晒，拉面唔热真系会坚嬲，但系呢度唔同，用烧热石锅上枱，全程都享用到热辣辣嘅浓汤。店员细心提示小心个锅烧热，而且仲好贴心会帮你换石锅豚肉鱼介沾面：豚肉偏肥，但系汤底非常浓厚，鱼介味道又鲜又香，唔会好似其他店有阵㶶味。特制赤虾沾面：虾香味重，但系味道稍淡，冇咁重口味，个人钟意鱼介多d。流心蛋真系抵赞！卤得够味，流心啱啱好，食落口𠮶阵释放出阵阵蛋香面底选用极粗面条，有口感得嚟又唔会好硬。价钱以同区嚟讲非常亲民，绝对系抵食。之前食过附近嘅拉面店食到一肚气，相比之下，元袓沾面真系好用心，系非常接近日本正宗风味嘅一家。