Pancake 專門紗織 (已結業)

今日同朋友行街 咁啱经过呢间餐厅 之前朋友原来试过呢间！佢对呢度嘅嘢食赞不绝口 所以我哋就入去食🥰净系入嚟睇到个环境已经觉得好舒服 除咗干净之外 门口个落地玻璃有一个装饰 好似日本啲古庙咁😆好得意所以影低咗几张相😆讲下佢哋啲食物先 叫左个蕃茄牛肋条 因为系朋友高度推荐 佢话之前食过真系唔错！咁既然佢试过质素应该唔差 因为我朋友都几嘴刁😂蕃茄准既味道好浓郁 满满嘅蕃茄汁包住牛肋条 令到牛肋条非常入味 牛肋条好软淋 大约有四至五旧 正方形咁好厚身但系一啲都唔鞋 估唔到同乌冬食都咁夹！呢度嘅乌冬非常爽口弹牙 应该系用咗稻庭乌冬 味道唔错！果然冇介绍错下次等我带其他朋友过嚟试吓呢间😍呢啲好食嘅嘢应该要一传十十传百😋