影片
更多
2022-07-06
2095 浏览
有次聚会朋友推荐呢间日式居酒屋，佢哋唔止有串烧食，仲有关东煮，连个环境都好似日本居酒屋咁，真系劲有气氛呀(⁎⁍̴̛ᴗ⁍̴̛⁎)🍽食物✨关东煮我哋嗌左大根($16)、年糕福袋 ($25)、厚烧玉子 ($18)同牛蒡鱼饼 ($18) 8.5/10关东煮汤底好清甜，充满昆布柴鱼嘅味道😋大根清甜冇渣，煮到淋晒吸满晒汤汁；年糕福袋都好入味，但系唔会烂晒咁，入面嘅年糕仲好烟韧；厚烧玉子冇改错名，吸满甜甜嘅高汤；日本人好中意用牛蒡入馔，其实系狮子狗入面包住牛蒡，味道都好夹～✨不思议炸豆腐 $68 9/10食之前我哋都心谂有几不思议，佢嘅外貌系豆腐样但系口感一啲都唔似豆腐！表面系炸过嘅，但入面竟然系烟烟韧韧，有啲似年糕嘅质感，同时仲有啲奶香味，我哋都觉得呢个系最有惊喜嘅茶式！👍🏻豚骨锅 $69 8/10汤底系浓郁嘅猪骨汤，除左有几块油脂丰富嘅五花腩之外，仲有好多蔬菜，好似韮茶、芽菜同椰菜，系锅入面滚左好耐，吸晒汤底嘅精华，仲有个乌冬，食完一定够饱😂👉🏻芋丝明太子 $39 7/10就系将明太子同芋丝捞埋一齐😂 不过明太子嘅味道比较淡，因为芋丝都唔系重口味嘅嘢，整体比较清淡同份量少左啲👍🏻烧鱿鱼 $53 8/10
🍽食物
✨关东煮我哋嗌左大根($16)、年糕福袋 ($25)、厚烧玉子 ($18)同牛蒡鱼饼 ($18) 8.5/10
关东煮汤底好清甜，充满昆布柴鱼嘅味道😋大根清甜冇渣，煮到淋晒吸满晒汤汁；年糕福袋都好入味，但系唔会烂晒咁，入面嘅年糕仲好烟韧；厚烧玉子冇改错名，吸满甜甜嘅高汤；日本人好中意用牛蒡入馔，其实系狮子狗入面包住牛蒡，味道都好夹～
✨不思议炸豆腐 $68 9/10
食之前我哋都心谂有几不思议，佢嘅外貌系豆腐样但系口感一啲都唔似豆腐！表面系炸过嘅，但入面竟然系烟烟韧韧，有啲似年糕嘅质感，同时仲有啲奶香味，我哋都觉得呢个系最有惊喜嘅茶式！
👍🏻豚骨锅 $69 8/10
汤底系浓郁嘅猪骨汤，除左有几块油脂丰富嘅五花腩之外，仲有好多蔬菜，好似韮茶、芽菜同椰菜，系锅入面滚左好耐，吸晒汤底嘅精华，仲有个乌冬，食完一定够饱😂
👉🏻芋丝明太子 $39 7/10
就系将明太子同芋丝捞埋一齐😂 不过明太子嘅味道比较淡，因为芋丝都唔系重口味嘅嘢，整体比较清淡同份量少左啲
👍🏻烧鱿鱼 $53 8/10
鱿鱼烟韧，但又唔会难咬到好似食擦胶咁，烧过嘅鱿鱼变得干身，净系点蛋黄酱已经好好味，送酒一流！
👍🏻炸鸡粒 $59 8/10
呢到嘅鸡粒好似出面嘅炸鸡块咁大😂 即叫即炸，系典型嘅日式炸鸡，皮薄内里多汁，不过调味偏重
👉🏻忌廉蟹肉薯饼 $58 7.5/10
薯饼系接近砖头嘅形状😂 入面嘅馅比较流心嘅状态，蟹肉已经打碎晒同忌廉捞埋一齐，食得多会觉得漏
👉🏻炸芝士 $58 7/10
芝士同样即叫即炸，咬开要小心辣亲～ 炸芝士系奶香味比较重，同时都比较咸😂唔配野饮搞唔掂
👉🏻串烧我哋嗌左以下几款：
免治鸡棒(汁烧) $32、鸡软骨(盐烧) $25、鸡腿肉(盐烧) $25同牛横隔膜 $48
鸡肉串烧可以拣汁烧定盐烧，汁烧嘅免治鸡棒入面系绞肉加埋鸡软骨，口感丰富，配埋月见食更顺滑；鸡软骨同鸡腿肉都系盐烧，调味简单；牛横隔膜都有牛味，但就比较韧
👍🏻柚子烧酎 $45
👍🏻鲜橙烧酎 $40
👍🏻鲜西柚烧酎 $40
酒类嘅选择非常丰富，我哋嗌左3杯都系烧酎，岩晒唔饮得但又想小酌一番嘅朋友仔🤣杯底仲有果肉添～
⛩环境
👍🏻舖面唔大，但系装修好似日本居酒屋咁，除左卡位仲有张好长嘅吧枱，可以望到师傅系入面煮野食，墙上面挂住劲大部电视播紧日本节目，店内都keep住播日文歌，隔离就系长期煮住关东煮嘅炉头
💁🏼♀️服务
👍🏻店员会系客人进入嘅时候大声欢迎同离开嘅时候欢送，十分热情；落单都好细心，会重复返order嘅内容，佢哋唔止环境似日本居酒屋，连服务态度都十分接近
📝总评 8/10
食物出品有质素，成个环境气氛都好好，不过就系定价比较进取，份量唔系好多，可能CP值唔算太高，但如果你系有一定嘅预算，同时想系香港揾返返乡下嘅感觉，呢度都几适合！
👛人均消费 ~$280(连加一服务费)
⏱90分钟
张贴
