拉麵來 (已結業)

今晚放工同男朋友黎到大坑食拉面。餐厅格局充满日本风情。呢间拉面店无加一，抵食。鲜鲷鱼鸡白汤拉面，鲷鱼鲜甜，切到好细，整到一个波甘。汤底浓郁，拉面挂汤。叉烧有两大块，肥瘦适中。白松露豚骨汤面带点白松露味，有大量紫椰菜丝、木耳丝同炒杂菌，好健康。两碗都加左日本溏心蛋，流心又入味，正。火炙叉烧比较香口。火药玉系劲辣既肉碎，好刺激，捞落汤到会好啲。自家制饺子，味道唔错，包住猪肉同椰菜。免治鸡软骨串好好食，啖啖肉得黎又有咬口。鹿儿岛猪软骨唔算好腍，咸度降低少少会好啲。苹果梳打几清甜。