影片
更多
2013-03-28
78 浏览
上星期日同一班好朋友去食鸡煲。鸡煲，相信好多人都会食过。丑妹妹都食过唔少，有辣、唔辣、单点、任食....大大话话都食过起码8,9间....当然，有好食亦都有唔好食....今次食嘅鸡煲就系位于铜锣湾，由SUKI徐淑敏老公开果间-台湾一品花雕鸡。其实，都已经食过唔只一次，食完都觉得几好食~所以一见到有团购就约埋D朋友一齐去食啦。今次我地一行有8人，所以丑妹妹事前就买定2张团购，2人+6人...总数都系$998咋，如果无团购真系要贵好多因为团购要预先BOOK位，所以一去到就已经有位坐啦~但估唔到佢地会俾间房我地坐，有圆枱坐紧系开心啦~倾计都易D啦!!!坐齐人之后，服务员 TONY哥就帮我地落ORDER~TONY哥仲同我地讲唔驶加嘢住，食晒D嘢仲未饱先叫都未迟㖞....系喱个世纪都已经好少到D咁诚恳咁有HEART嘅服务员架啦....真系要赞呀!!!介绍一下有咩嘢食先﹕紫苏红K球-又冻又酸酸味味好开胃。一品松板猪-少少辣有D汁，唔错。芋丝不挂-喱个前菜最受欢迎，个个食完又食，赞完又食，话用黎送酒就最好啦㖞。受尽煎熬-(即系炸金菇加肉松) 虽然系炸，但一D油都无好干身架!!蜜汁冰芋-芋头够粉，但
上星期日同一班好朋友去食鸡煲。
鸡煲，相信好多人都会食过。丑妹妹都食过唔少，有辣、唔辣、单点、任食....大大话话都食过起码8,9间....当然，有好食亦都有唔好食....
今次食嘅鸡煲就系位于铜锣湾，由SUKI徐淑敏老公开果间-台湾一品花雕鸡。其实，都已经食过唔只一次，食完都觉得几好食~所以一见到有团购就约埋D朋友一齐去食啦。
今次我地一行有8人，所以丑妹妹事前就买定2张团购，2人+6人...总数都系$998咋，如果无团购真系要贵好多
因为团购要预先BOOK位，所以一去到就已经有位坐啦~但估唔到佢地会俾间房我地坐，有圆枱坐紧系开心啦~倾计都易D啦!!!
坐齐人之后，服务员 TONY哥就帮我地落ORDER~TONY哥仲同我地讲唔驶加嘢住，食晒D嘢仲未饱先叫都未迟㖞....系喱个世纪都已经好少到D咁诚恳咁有HEART嘅服务员架啦....真系要赞呀!!!
介绍一下有咩嘢食先﹕
紫苏红K球-又冻又酸酸味味好开胃。一品松板猪-少少辣有D汁，唔错。
芋丝不挂-喱个前菜最受欢迎，个个食完又食，赞完又食，话用黎送酒就最好啦㖞。
受尽煎熬-(即系炸金菇加肉松) 虽然系炸，但一D油都无好干身架!!
蜜汁冰芋-芋头够粉，但系最普通。
避风塘辣酒煮花甲-朋友话个汁几好味。
一品花雕鸡锅-(一个唔辣，一个小辣)唔辣酒味好香好浓，小辣够惹味。秘制粿条-吸左D鸡煲汁精华，好好味!!不过，少左些少啰
蒜蓉粉丝元贝-超多粉丝，元贝好爽甜。
食完鸡煲，就到打边炉时间~配料有﹕牛颈脊、花枝丸拼贡丸、潮州鱼蛋、雪花肥牛、雀灼脆脘、菜肉饺、黄沙猪润(喱个系人都赞，好少食到咁新鲜咁爽嘅猪润)、山水豆腐、墨鱼丸、新竹米粉
小白菜、油麦菜
蜜糖冻普洱-好好饮，一D都唔似茶
最后无加嘢个个都食到抱住个肚走~下次要再去食过呀!!!
题外话/补充资料：
今次都唔系第一次黎食，除左嘢食好食之外，服务态度真系一流，值得赞完再赞!!!
不过，真系有D贵架，如果唔系食团购.....
(以上食记乃用户个人意见 , 并不代表OpenRice之观点。)
张贴
