漁樂場

营业中

休息中

自己本身好钟意音乐餐厅。系社交平台见到呢间位于荃湾嘅餐厅，可以边食烤鱼，边听live band，于是同朋友一齐去试。餐牌上有好多唔同嘅嘢食，任君选择。烤鱼方面，我哋拣咗唔辣嘅秘制酱香烤鱼。烤鱼上到嚟就好香，上面铺满晒花生。秘制酱系用花生熬煮，味道有啲似沙茶酱。江团鱼食落好滑，同秘制酱嘅味道好夹。食落有少少甜甜地嘅味道，十分推荐。我哋另外仲嗌咗川粉同虎虾滑。胡麻黑椒牛肉牛肉上淋咗好多胡麻黑椒汁，每一啖都食到黑椒味豚肉蒜心卷外层系豚肉，中间系蒜心。食落有惊喜，豚肉同蒜心嘅味道好夹，值得一试。菠萝的海虽然外表同一般嘅烧菠萝冇分别，但系食落俾佢嘅味道惊艳。下次再嚟都一定会嗌。羊肉串食落有好香嘅羊骚味，钟意食羊嘅朋友可以一试。爆柠西西茶外型好吸引，饮落甜甜哋，仲可以食到粒粒西瓜。超级水果茶好大杯，饮落好fresh。而且入面有唔同嘅水果，例如西瓜、菠萝、百香果等等，钟意水果茶嘅朋友必嗌。live band嘅歌手唱歌好好听。店员仲派咗发光棒，可以一边挥棒，一边听歌，充满气氛。