微酵烘焙 (MOKO新世紀廣場) (已結業)

今日经过新世纪广场，发现到一间新开嘅面包店，有各款特色嘅面包兼台式饮品，就决定try try，做早餐同下午茶都唔错。当中最吸睛既一定系呢款脏脏包！一共有三个味道可以选择，包括士多啤梨，朱古力，同埋抹茶。外表亮丽之余，内涵亦都唔差。入面有士多啤梨干，面包口感软滑。Size十分巨型，几乎超过两只手掌咁大。另外一款朱古力味道嘅脏脏包同样吸引。朱古力爱好者一定唔会放过雷神朱古力，望落去令人不禁期待个种浓郁嘅朱古力味道，但食落去朱古力味并唔算突出，味道唔甜，口感软糯，如果朱古力味浓啲就更好。当中大热门一定系呢款珍奶包，红茶吉士酱配上黑糖白珍珠，竟然冇预期中咁甜同腻，几特别。香蒜面包蒜味十足，做到外脆内软既效果。