影片
更多
2023-04-20
308 浏览
星期一同朋友去左一间新开既火锅店打边炉，顺便庆祝埋佢生日。好难得呢到仲要系无切饼费既👏🏻餐厅门口好抢眼，路过都一定留意到。入边就系橙绿色型格装修，设计带玩味元素。好啱影相，连架䢂同洗手间都有打卡位！👍🏻一坐低侍应就俾左2杯仔welcome drinks俾我地。系带smoky 味道嘅酸梅汤，我钟意佢酸酸甜甜，好清凉解暑。✨啤酒胡椒猪肚鸡锅胡椒猪肚汤系我少有钟意饮既汤，唔使谂即刻拣左佢。汤底落左大量胡椒，够晒辣👍🏻我地系咁饮汤，都未开始渌野食已经饮左一大半汤😂汤滚之后再落一罐啤酒，第一次咁试。饮落带少少酒味，个味又几夹wor。啲鸡肉都好嫩，猪肚好新鲜，又够腍，一咬即开。 留意个汤会愈滚愈辣，尤其系啲菜好易索晒味，最好就一开始先渌左菜食，就无咁辣。✨骟牯牛皇 : 极品牛颈脊、极品牛腩包 第一次食骟牯牛。骟牯牛即系牛仔大约系1岁左右就会被阉割，脂肪比未阉既「生牯」多，食落牛味浓郁腍滑🤤先食肉质鲜嫩爽滑既牛颈脊，再食牛腩包（牛腩最中心位），脂肪不多但肉味浓郁，较有咬口。 ✨美颜靓花胶 最爱呢个😍可以补充胶原蛋白。花胶处理到完全唔腥，渌10至12分钟左右就食得。✨新鲜蔬菜拼盘有我最爱既皇帝菜，同埋
餐厅门口好抢眼，路过都一定留意到。
入边就系橙绿色型格装修，设计带玩味元素。
好啱影相，连架䢂同洗手间都有打卡位！👍🏻
一坐低侍应就俾左2杯仔welcome drinks俾我地。系带smoky 味道嘅酸梅汤，我钟意佢酸酸甜甜，好清凉解暑。
✨啤酒胡椒猪肚鸡锅
胡椒猪肚汤系我少有钟意饮既汤，唔使谂即刻拣左佢。
汤底落左大量胡椒，够晒辣👍🏻我地系咁饮汤，都未开始渌野食已经饮左一大半汤😂
汤滚之后再落一罐啤酒，第一次咁试。饮落带少少酒味，个味又几夹wor。
啲鸡肉都好嫩，猪肚好新鲜，又够腍，一咬即开。 留意个汤会愈滚愈辣，尤其系啲菜好易索晒味，最好就一开始先渌左菜食，就无咁辣。
✨骟牯牛皇 : 极品牛颈脊、极品牛腩包
第一次食骟牯牛。骟牯牛即系牛仔大约系1岁左右就会被阉割，脂肪比未阉既「生牯」多，食落牛味浓郁腍滑🤤
先食肉质鲜嫩爽滑既牛颈脊，再食牛腩包（牛腩最中心位），脂肪不多但肉味浓郁，较有咬口。
✨美颜靓花胶
最爱呢个😍可以补充胶原蛋白。
花胶处理到完全唔腥，渌10至12分钟左右就食得。
✨新鲜蔬菜拼盘
有我最爱既皇帝菜，同埋冬菇、粟米、娃娃菜、金针菇。款款新鲜。
✨饺子拼盘 : 黑松露鲍鱼饺、鲜虾云吞、黑豚肉韭菜饺
呢到啲饺子全部系自家制既手工饺。
侍应好细心咁教我地由淡至浓味咁食，大约渌7分钟左右就食得。
但当中有2款特别出色！其中1款系黑松露鲍鱼饺，一咬开即刻散发出劲香既黑松露味！鲍鱼粒好弹牙😋
✨花雕醉鸡饺
另一款系花雕醉鸡饺。呢个真系出边无食过，带有少少酒香味。入边系爆馅鸡肉，咬落多汁😋
✨手打鲜虾丸 ✨手打墨鱼丸
2款都好弹牙，虾味同墨鱼味都好出。
✨椒盐墨鱼咀 : 香脆爽口，炸蒜超香
✨虾多士: 多士酥脆，虾弹牙
✨冰镇南非鲍鱼 : 鲍味浓郁，肉厚带嚼劲
✨红糖冰粉
打完边炉热辣辣食返碗冰粉凉下。呢碗系我食过落得最多配料既冰粉！有提子干、西瓜、火龙果又有nuts！
✨柚子雪葩
好好味！又香又清新，仲有粒粒柚子皮。
张贴
