岩浪天扶良日本料理

营业中

休息中

今次去咗铜锣湾食呢间厨师发办，我系第一次食天妇罗加寿司嘅厨师发办，呢一个系天寿套餐！睇落唔似好多，有七款天妇罗同七款寿司，但系食晒成个餐真系好饱，而且好满足！食咗个前菜之后就会有七款天妇罗，当然，因为系厨师发办，每次嚟都应该会有唔同！今次我就食咗天妇罗虾，天妇罗濑尿虾，濑尿虾就有好多膏，都几特别！我自己特别钟意食紫苏叶海胆天妇罗同埋紫苏叶秋刀鱼卷天妇罗！真系估唔到天妇罗同呢两样食材好夹！天妇罗渣到外面酥脆，海胆入边好滑！而秋刀鱼就好肥美！另外仲有山梨县柿天妇罗，都几特别！七件寿司各有不同，都系有深海深鱼、深鱼、帆立贝、甜虾、拖罗、䲠鱼！我自己最钟意食佢哋嘅吞拿鱼蓉手卷，真系好有惊喜，入边有炸洋葱吊起个味超特别！是日嘅热汤系舞茸汤，食完晒清一清唔错！水果有富有柿同水梨，清甜！