吃吧 (僑建大廈)

营业中

休息中

旺角依间楼上酒吧嘅嘢食，真系有惊喜首先一款前菜，西班牙火腿蜜瓜，鲜甜多汁，火腿嘅咸香同蜜瓜嘅清甜结合，甜甜咸咸好开胃，而且仲会有啲沙律添而香草白酒芝士蓝青口配法包，青口鲜甜多汁，配上香草白酒芝士，口感丰富，我个人都几钟意用法包点佢嘅芝士酱唔少得嘅系水牛城鸡翼，呢款炸鸡翼少少辣，外皮香脆，配上水牛城酱，都几夹！主食系伊比利亚烟熏猪架，猪架经过烟熏处理，肉质鲜嫩多汁，而且好适合打卡饮品方面佢有酒精饮品亦都有无酒精饮品，我今次就叫咗一个无酒精饮品嘅Happy Happy Happy "Cat"，佢外型系用一个菠萝嘅玻璃樽装住非常有趣。而牛奶朱古力Chocolate Mike浓郁滑顺，冬天饮返一杯热朱古力真系好正。