升哥點心 (已結業)

本来谂住晏昼冇咩地方可以食点心，因为通常人哋饮茶都系朝头早饮嘅。但元朗哩一间升哥点心就唔同。去到下午茶都有点心提供，仲有优惠。咁就同朋友行过试吓啦，点知呢度啲点心的确唔错有惊喜。一开始就叫咗两个汤黎饮补番下先，第一个系虫草花淮山杞子炖鸡脚。呢个汤清清淡淡咁，殊不知都几足料。但系枱面上面有少少油，建议大家可以整走佢先来饮。二另外一个五指毛桃炖猪展都几有益！原来餐厅会每隔10日就转汤品既选择。下次嚟希望可以试吓其他唔同嘅靓汤。讲返点心，食点心又点少得烧卖呀。呢个原只虾烧卖我一旧上边都有一大只虾喺度，虾肉嘅虾味好足好新鲜。搞到成粒烧卖口感同味道都提升唔少。👍另外想特别推介嘅系呢一个蒜香脆脆虾饺王，呢个点心好特别喺其他餐厅揾唔到。虽然一只要$12有少少贵但系建议大家嚟食嘅话一定要试吓呢一个虾饺王。一咬落去蒜香四溢，再配埋餐厅淋上嘅独有酱汁好味！ 我哋仲叫咗蜜汁叉烧肠粉，叉烧肠入边嘅叉烧爆多！叉烧烧到恰到好处唔会烧得太窿，餐厅系处理酱汁方面的确唔错。呢个叉烧肠粉都系水准之上啊！除咗食物质素好之外，员工亦都好有善！照顾客人周到！我谂下次都会带其他朋友嚟再试下！