影片
更多
2019-06-11
2379 浏览
😭😭肠胃炎食左一个星期粥，今日终于食返啲好野！fiancé 朋友约佢一齐去皇仁书生会度食饭，佢初时话约左我，后黎朋友叫佢叫埋我一齐，fiancé见个menu好吸引😍就叫埋我一齐去！听朋友讲佢二月就已经book定，如果唔系有家人系旧生，系book唔到，因为呢度只可以俾旧生book！第一道菜系百花西汁酿油条，起初我以为油炸鬼系煮到淋bad bad，一咬非常惊喜！系炸脆左😍，再用好似咕噜肉既汁煮，挂满酸酸甜甜既汁，好开胃👍🏻配料重有啲荔枝同三色椒。糖桂花饯美国桶蚝一黎到已闻到好香桂花味，平时唔食蚝既我，好怕阵腥味，不过佢炸得外面好脆，第一次食甜味既炸蚝，有糖桂花所以完全唔觉腥。原只鲍鱼佛跳墙系我地全晚都期待！侍应叔叔先将一串串既鲍鱼、整梳鱼翅同金华火腿拎上碟，再续碗慢慢分，再加埋猪软骨、鸡丝、冬菇、瑶柱同鸡脚，非常丰富！先饮一啖汤，极之鲜甜，虽然有金华火腿，但个汤一啲都唔觉肥腻同咸。鲍鱼用上鲜鲍鱼，食落鲜甜唔韧；翅好粗身；猪软骨非常软腍，软骨轻易就咬开；最意外系个金华火腿，平日食个啲系好干好硬，但佢皮好腍重好重胶质，唔太咸，反而肉就咸好多，不宜就咁食。大海斑两味有云耳腿茸蒸斑球同姜葱煎焗头腩
第一道菜系百花西汁酿油条，起初我以为油炸鬼系煮到淋bad bad，一咬非常惊喜！系炸脆左😍，再用好似咕噜肉既汁煮，挂满酸酸甜甜既汁，好开胃👍🏻配料重有啲荔枝同三色椒。
糖桂花饯美国桶蚝一黎到已闻到好香桂花味，平时唔食蚝既我，好怕阵腥味，不过佢炸得外面好脆，第一次食甜味既炸蚝，有糖桂花所以完全唔觉腥。
原只鲍鱼佛跳墙系我地全晚都期待！侍应叔叔先将一串串既鲍鱼、整梳鱼翅同金华火腿拎上碟，再续碗慢慢分，再加埋猪软骨、鸡丝、冬菇、瑶柱同鸡脚，非常丰富！
先饮一啖汤，极之鲜甜，虽然有金华火腿，但个汤一啲都唔觉肥腻同咸。鲍鱼用上鲜鲍鱼，食落鲜甜唔韧；翅好粗身；猪软骨非常软腍，软骨轻易就咬开；最意外系个金华火腿，平日食个啲系好干好硬，
但佢皮好腍重好重胶质，唔太咸，反而肉就咸好多，不宜就咁食。
大海斑两味有云耳腿茸蒸斑球同姜葱煎焗头腩，前者无骨啖啖肉，但相对无后者咁惊喜，同埋个汁咸得黎有啲酸，失色左啲。
后者既姜葱爆得非常香，鱼炸到好脆，非常惹味，令人一口接一口，好食到唔想到，不过重有其他𩠌等住我试，我食左四～五旧就收手🤪
呢碟柚皮生扣鹅掌系我第一次食柚皮，成日听柚皮好难整得好食，又花好多功夫，所以坊间都见少买少。柚皮炆到好腍，一啲苦涩味都无，一夹开见到一丝丝纤维，但唔洗点咬入口就化开，面头撒左啲虾籽，不过唔系几食到个味。鹅掌亦都炆得好炆，轻易就咬开或者夹开，入味得黎唔会太咸。
平日食炸子鸡都唔觉咁香，一上菜就闻到劲香，重要闻落同睇落就知佢好脆。果然无令我失望，皮脆肉嫩，有啲部分直头无脂肪得返层脆皮，好正！食落真系有鲜鸡味👍🏻虽然佢只系冰鲜鸡。鸡底下重有子姜，甜甜辣辣刚好中和油腻感。
荷叶饭又系我另一期待既菜色！一开头食觉得佢唔够干身，不过食食下食到淡淡既咸蛋黄味又会令人一口接一口食！平日唔钟意食咸蛋黄薯片鱼皮啲零食，嫌佢浓得有啲可怕！但呢度做到恰到好处！唔会令我讨厌，反而钟意佢咁含蓄。配料有啲爽口虾仁、菜粒、鸡丁同炒蛋，份量都几多，每啖都食到有配料。
最后梗系要有糖水～腰果露汤圆作结先完美！系我第一次食腰果露，味道唔会死甜，香浓既腰果味充斥住口腔，而且好滑，唔会食到粒粒。平日我都唔好芝麻汤圆，但佢细细粒，皮好薄，食完唔会太溜，芝麻馅够香，每人两粒刚刚好。
最后～最后压轴出场既系西瓜🍉！附上一樽话梅粉，撒上西瓜上一齐食，食落酸酸咸咸几有趣，不过西瓜好淡，无乜味。
唔知下次黎又要等几耐呢？
张贴
