One More Hotpot 來一鍋 (已結業)

不嬲知道鹅颈桥一带间唔中都会出啲好餐厅，所以都会留意下。今次果然唔例外，来一锅 One More由时代一过马路行到天桥旁边就会揾到，交通其实颇方便。不得不赞既系入面有好多好阔既卡位，加上环境冇一般边炉咁吵杂，好适合三五知己收工后去倾下计松一松。上左年纪既可能会话「鬼五马六，啲嘢食有冇我当年系＿记食咁正先？」。答案系：过之而无不及。我自己都估唔到，今次最带俾我惊喜嘅，竟然系响铃同鱼皮呢两样平时不怎起眼嘅火锅Side Dish。新鲜炸既鱼皮系香港已经买少见少，除非真系好到好老式既酒楼或者街市。我估唔到系呢间外貌咁新派嘅火锅度食到既竟然系刚刚炸好、上碟时仲起紧泡嘅鱼皮。一放入水中，直情会听到「咋～」一声，入口时仍然会食到有微香鱼味。鲜炸嘅响铃先至令人咋舌。我建议快速过水三秒就好放入口，如果唔系就会冇咁可口了。根住有海鲜拼盘, 系冰上面保冷嘅鲍鱼、虾、扇贝同蚌等等全部色水都好靓, 个人觉得呢个组合每样有啲都几好，适合想乜都试下嘅人选择。另外想讲一讲个蜂巢豆腐，都系比较罕见既火锅料，口感有啲似斋，好爽好有肉感，个炉打耐咗吸埋啲汤味就very good。牛肉方面就费精不贵多，但每一块肥瘦均冲，肉味