紫蝶花 (已結業)

话说我老友就系住喺将军澳 佢成日都话将军澳好多好嘢食 今次就惊佢嘅推介之下嚟咗呢一间 卖新加坡菜嘅餐厅 估唔到有意想不到嘅惊喜✨蒜蓉牛油鸡翼六件 ($60)一份有六件 牛油同埋蒜蓉嘅味道深深咁酿咗入鸡翼入面非常惹味 特别一赞嘅一点系鸡肉之间唔会太实 一入口啲肉就散开 质感简直系冇得弹✨新加坡肉骨茶 ($68)好耐冇饮过新加坡嘅肉骨茶 估唔到呢度有得卖 入面嘅材料大概就系肉啦 骨啦 豆卜冬菇以及 唔同嘅香料 肉骨茶上菜嘅时候 香味就立刻四散 饮完仲非常解渴添✨海南鸡半只($118)食呢类型嘅餐厅点少得嗌海南鸡呀 钟意食鸡嘅我就当然嗌咗半只海南鸡 再加20蚊配咗一碗油饭 正呀可以睇到海南鸡嘅份量真系非常足够 又真系几足料 鸡肉嘅质感又嫩滑✨蓝蝶花蜂蜜柠檬梳打 ($38)蓝蝶花主题嘅饮品 应该就系紫蝶花餐厅招牌 我当然要试一试啦 蓝蝶花配蜂蜜再配柠檬应该唔系好多地方可以饮到饮落嘅味道好清新酸酸甜点非常解渴✨蓝蝶花椰汁特饮 ($38)蓝蝶花除咗配 果味嘅梳打外配上椰汁都非常夹㗎蓝蝶花有独特嘅香味同埋椰汁捞起上嚟 真系几好饮