Opa Mediterranean Bar and Bistro (已結業)

放假了! 同朋友试吓新嘢地中海菜。 这餐厅布置得好舒服， 尤如置身地中海， 好多绿色的植物、大大幅的壁画 、吊椅子、长梳化、图案砖地板， 配合得好和谐 ，令人有放松的感觉。海鲜拼盘串烧皇牌菜 ，好有噱头，海鲜串成条上枱，材料有吞拿鱼、三文鱼、大虾配水牛城辣椒酱， 还夹杂了柠檬， 红黄绿青椒和洋葱，中和了肉类的肥腻感。整碟串烧还配送了几块饼和辣酱或甜酱一起吃，好特别别有风味。地中海凯撒沙律配烟三文鱼铺满了满满的烟三文鱼， 沙律菜好新鲜，仲有热情果籽做配搭，好清新。海鲜扁意粉有鱿鱼、三文鱼、吞拿鱼、大虾，材料丰富，配上罗勒意式蕃茄酱， 香浓美味。帕芙洛娃鲜果蛋白饼来想食西班牙油条但系卖晒，选了这个杏仁饼，本来冇乜期望，睇佢唔出上枱时卖相已经有惊喜， 食落去 外面蛋白好幼滑，里面𠮶层杏仁饼好松脆，唔会太甜， 配合蓝莓同士多啤梨，酸酸甜甜混合，口感丰富。唔好睇佢平平无奇，值得推介。