影片
更多
2010-12-05
137 浏览
旺角系好多嘢食，但其实食嚟食去都系𠮶几间都开始食厌，点知响openrice见到有呢间新斋舖，见好耐冇食素，食评及照片都感觉不错，于是决定一试。点知一试就充满惊喜，d菜式好新颖，完全有别于传统斋菜畀人老土厌闷嘅感觉，有日式、西式、港式，斋睇menu都唔觉入咗斋舖，食物味道及口感绝对带来无限惊喜，平时我只会睇人哋嘅食评，今次忍唔住要写个食评like一下。软壳蟹卷食落同真嘅软壳蟹质感差唔多，不错。爆酱珠珠扮鱼子好得意，充满士多啤梨果味，好特别。三文鱼、吞拿鱼、饱片都造到同真嘅一样，就连口感都好似。其他仲有青瓜果子寿司&饱粒寿司(希望我冇估错)都造得很不错，推介啦！脆脆的法包上面涂上牛油果及芝士，再焗至金黄色，上枱已香喷喷，食落唔会好漏，必吃之选！薄饼底好特别，系用云吞皮造，食落好脆，唔会好似稣皮𠮶d咁油，加埋d素海鲜&配料，好似食紧真pizza一样，最紧要系食多2件都唔会饱到食唔到其他嘢，正！上枱已经好香芝士味，意大利云吞加埋个白汁造得好好，食晒都唔觉漏，又系完全唔似食紧斋，好like呢个。卖相同真嘅金菇牛柳卷一样，个黑椒汁又系好好味，可惜个牛柳食落似午餐肉多d，但斋都可以造到咁神似，都算不
软壳蟹卷食落同真嘅软壳蟹质感差唔多，不错。爆酱珠珠扮鱼子好得意，充满士多啤梨果味，好特别。
三文鱼、吞拿鱼、饱片都造到同真嘅一样，就连口感都好似。
其他仲有青瓜果子寿司&饱粒寿司(希望我冇估错)都造得很不错，推介啦！
脆脆的法包上面涂上牛油果及芝士，再焗至金黄色，上枱已香喷喷，食落唔会好漏，必吃之选！
薄饼底好特别，系用云吞皮造，食落好脆，唔会好似稣皮𠮶d咁油，加埋d素海鲜&配料，好似食紧真pizza一样，最紧要系食多2件都唔会饱到食唔到其他嘢，正！
上枱已经好香芝士味，意大利云吞加埋个白汁造得好好，食晒都唔觉漏，又系完全唔似食紧斋，好like呢个。
卖相同真嘅金菇牛柳卷一样，个黑椒汁又系好好味，可惜个牛柳食落似午餐肉多d，但斋都可以造到咁神似，都算不错啦。
又一惊喜，好似真系半只鸡咁，厨师仲要劲到将成只"鸡髀"&"鸡翼"起出嚟，劲呀！
又系唔讲唔知食紧斋，佢d口感造到同真猪肉好似，同真正嘅沙拉骨可嫓美。
唔识形容，个甜酸汁实在太好味，好似真系食紧鱼饼之类𠮶d咁，搞到食唔停口。食饱饱之后，店员仲送上糖水，绿豆沙唔太甜，非常好，结果我饱到顶点。其实Overall d嘢食都好好味，价钱唔贵，食物款式多，始终新开唔系好耐，当然有进步空间啦！
P.S. 舖头唔大，去之前book定枱会好d。
张贴
