影片
港铁旺角站 B2 出口, 步行约3分钟
继续阅读
营业时间
*最後落單時間：22:00
星期一至日
11:30 - 22:30
以上资料只供参考，请与餐厅确认详情
輕鬆素食😆 佢個外表其實會覺得只係間好普通同傳統既素食餐廳 但完來佢入面啲食物都好有創意 有日式 西式等 唔係朋友介紹都唔知😂青芥辣燒牛扒 $38呢個牛扒好特別 係用啲豆製品去整 但食落真係有種有扒既質感 面種加左層芥辣 唔係好攻鼻個種 少少攻 種加埋啲沙拉醬 令到成個口感更豐富另外種有個日式鰻魚飯 食落完全覺得係鰻魚黎 個醬好高質 又唔會好鹹 種要有好多套菜 不過真心嘅 個衛生真係有啲差 杯入面係有曱甴，且唔係好大隻，差啲飲咗都唔知😖
继续阅读
下午茶優惠時段係三點至五點，我同朋友三點入座，俾個男侍應催促落單，埋單發現冇八五折，問個侍應話跟收銀機入單時間係2:58冇任何折扣，比較國際時間，根本係餐廳部機慢咗10分鐘，咁都得！呢度嘅食物係有特色，但整體偏鹹，座位迫，環境較殘舊，而且衛生唔理想，最恐怖係個洗手間，如非必要唔好用！下次想食下午茶會去新蒲崗嘅從X素食，食物質素、衛生同服務都好好多，仲要有半價優惠。
继续阅读
今日又來膳德福素食茹素一餐芝麻手撕雞 $30是日午市套餐用優惠價加的，質感、口感及味道都可以啊！套餐包的餐湯是冬瓜湯，屬清甜可口湯水。鰻魚牛油果卷 $35切得超薄牛油果乃刀功之作，味道不錯👍！午市快餐日式燒汁鰻魚飯 $52外觀像真度極高，雖然是素肉仲要係加工個隻，不過味道同口味都滿足到我，飯底是用了珍珠米暖暖的帶點軟糯。😋
继续阅读
行過都唔會留意，唔係約左朋友，唔會知有間咁既素菜館好多菜式都好吸引，又唔貴，好可惜朋友好多野唔食得，諗住下次同媽媽再黎過麻醬雞絲口感幾似真雞絲，個汁唔錯，有自家調製過朋友話之前叫過沙嗲牛肉菜心煲好味，老實講我覺得麻麻，牛肉成煲4塊，菜心又唔切下，味道還可以松子蛋白炒飯夠乾身，唔會油笠笠，但太淡啦兩個人$160左右埋單， 菜仔價錢無奈又多人又迫，食完要即走下次要試薄餅，隔離枱有叫，唔係餅皮，係腐皮，仲有幾可亂真既壽司
继续阅读
好少食素既我覺得食素係一樣好dry既野但呢度令我覺得好新奇每樣野食都好睇又好食感覺上健康左原來蕃茄同菜苗好夾架朋友仔食曬啲菜 仲想留返個汁黎撈飯好清新既氣息係牛油果呀原來啲偽瑤柱係金菇黎真係估佢唔到出色既鰻魚飯第一次食素鰻魚個口感同真嘅都有幾分相似啲配菜好好食已假亂真嘅壽司啱晒我呢啲唔識魚生嘅人大家都好好奇裏面係咩做嘅食落口好好味啲魚子竟然係爆珠波波估佢唔到呀呢個多士好正單買要$20 一塊4塊就$76入面有牛油果蓉吞拿魚上面仲鋪左厚厚嘅芝士食嘅時候啲芝士拉到一條條絲好滿足😁😁😁一人一塊就啱啱好仲有就係出面好少食到嘅腰果露雖然等得有啲耐但係好香好濃四個人份量呢度啱啱好價錢又唔貴又可以試多幾樣
继续阅读