影片
更多
2020-09-16
2317 浏览
我谂好多人都同我一样已经好少食放题，除左疫情之外，因为香港基本上全部放题都系无良心连锁店🔵限聚令放宽，朋友咁岩见到有间新开嘅，决定上去睇下。星期日嘅8点，收费系$238加一，价钱同其他放题差唔多。其实8点半就平30蚊，不过肚饿唔等。入去之前店员话有部分食物因岩岩开返，人手问题会无左。环境新净舒服，电视播日本节目，有系日本嘅感觉，枱唔算大张，落单系用手机扫code，环保方便。野饮种类少，仲要8点半后无补过，得返3款。三文鱼最正路，唔干无筋，蟹棒同鲍片就真系干身左啲。刺身整体合格嘅。寿司款式唔算多，无我最中意嘅火炙寿司。饭唔会好大旧，女仔都可以一口食到，但一夹就散，要改善，味道无问题嘅，花之恋好食。天妇罗炸粉厚，无咩味，反而吉烈炸虾仲好食。放题少见嘅醉鸡翼，入味，但肉较干，煮耐左。一口鸡，原来系麦乐鸡。就系一旧一袋买返黎嘅麦乐鸡咁。牛柳粒香口，但多筋，炒杂菇爽口。牛舌我觉得最好，外脆内爽，入味香口，食左6串。不过第二次叫果啲太咸。炸鸡软骨，无跟沙律酱。蟹籽沙律碗仔翅有雪糕杯同雪糕球，香港制，杯装似食空气，球比较有咬口，足料啲。不过呢个价钱我觉得包返杯Häagen-Dazs就合理啲。埋单会每
星期日嘅8点，收费系$238加一，价钱同其他放题差唔多。其实8点半就平30蚊，不过肚饿唔等。入去之前店员话有部分食物因岩岩开返，人手问题会无左。
环境新净舒服，电视播日本节目，有系日本嘅感觉，枱唔算大张，落单系用手机扫code，环保方便。
野饮种类少，仲要8点半后无补过，得返3款。
三文鱼最正路，唔干无筋，蟹棒同鲍片就真系干身左啲。刺身整体合格嘅。
寿司款式唔算多，无我最中意嘅火炙寿司。饭唔会好大旧，女仔都可以一口食到，但一夹就散，要改善，味道无问题嘅，花之恋好食。
天妇罗炸粉厚，无咩味，反而吉烈炸虾仲好食。
放题少见嘅醉鸡翼，入味，但肉较干，煮耐左。
一口鸡，原来系麦乐鸡。就系一旧一袋买返黎嘅麦乐鸡咁。
牛柳粒香口，但多筋，炒杂菇爽口。
牛舌我觉得最好，外脆内爽，入味香口，食左6串。不过第二次叫果啲太咸。
炸鸡软骨，无跟沙律酱。
蟹籽沙律
碗仔翅
有雪糕杯同雪糕球，香港制，杯装似食空气，球比较有咬口，足料啲。不过呢个价钱我觉得包返杯Häagen-Dazs就合理啲。
埋单会每人送一个独立包装口罩，香港制造。
放题最想食嘅串烧得4款斋，又无左芝麻鸡翼，真系争啲。不过就算齐款都系算少野食。整体食物质素都冇乜边样特别正。比连锁放题店的确逊色。
但应该会再去试多次，睇下迟啲run返顺会唔会好啲，毕竟香港人可以选择嘅放题店都唔多。
张贴
