天池日式放題 (已結業)

早前睇完youtuber介紹，自已衡量過亦覺得性價比不錯，故相約家人一起用膳，母親還興致勃勃地邀請了她的一位朋友參與。到達餐廳門口，知客姐姐通知，因前一晚生意比預期好，且供應商又趕不及送貨，以致原本有8款刺身，今天只剩三文魚及希靈魚可以提供，不過，會補送每人2片油甘魚及2片帶子作為補償。我覺得問題不大，今時今日營運一間餐廳也非易事 (正如疫情又嚴重了，餐廳用餐只能最多2人一檯，所以，如此艱苦下經謍，也情有可原)；再加上母親的朋友在則，如因魚生問題而離開，再漫無目的地去找餐廳，更會出現災難性局面。長話短說: 餐廳用QR code落單，原本已不算有太多選擇的菜單，越揀越心寒...簡單如前菜的味付螺肉、芝麻八爪魚仔   <-- 無貨     日式泡菜、日式羅白漬  <--無貨一品料理: 泰式鳳爪、醉雞亦、蛋捲、炭燒汁煮牛脷 <-- 無貨壽司系列: 黑松露三文魚壽司 <-- 黑松露不翼而飛炸物: 榴槤炸彈    <-- 無貨自取甜品: 冰櫃只剩十多杯杯裝雪糕 (一款口味，手快有手慢無)，母親朋友最想吃的雪糕球 <-- 欠奉其他欠奉的已記不清楚..

今日喺九龍附近收工約咗朋友食放題，之前都有聽過朋友介紹天池。佢價錢8:30後入座會平少少，208一位，120分鐘任食。我哋超級肚餓坐低咗就見咗第一round 野食，但係估唔到佢啲嘢食勁快上晒枱。平時食嗰啲放題一係等好耐一係會漏單，但係天前完全冇呢個情況發生。至於他的食物選擇會比其他貴少少的放題少一點，但係基本上都會食到好飽。有刺身，串燒，一品料理，壽司手卷，壽喜燒等等。覺得食物質素都OK，超級推介燒菠蘿和它的刺身，而且覺得燒牛肉粒都幾好食😋

款式太少， 選擇不多， 相片真的只供參考 ，海膽有相睇冇得食， 刺身新鲜程度上算ok ， 炭燒食品燒烤時間不足夠 ， 熱茶如開水，要多少要求老闆才作更換 ，甜品只有雪榚其他不願置評…

琴日同幾個舊公司同事聚舊, book咗5人台, 雖然放寬4人限聚, 凸咗我出嚟都唔覺特別唔妥, 坐得都幾舒服。食材新鮮, 賣相美麗。天池仲可以有5層納米口罩賣, 成人/中童size都有, 做到食得開心, 食得放心👏👏👏

我諗好多人都同我一樣已經好少食放題，除左疫情之外，因為香港基本上全部放題都係無良心連鎖店🔵限聚令放寬，朋友咁岩見到有間新開嘅，決定上去睇下。星期日嘅8點，收費係$238加一，價錢同其他放題差唔多。其實8點半就平30蚊，不過肚餓唔等。入去之前店員話有部分食物因岩岩開返，人手問題會無左。環境新淨舒服，電視播日本節目，有係日本嘅感覺，枱唔算大張，落單係用手機掃code，環保方便。野飲種類少，仲要8點半後無補過，得返3款。三文魚最正路，唔乾無筋，蟹棒同鮑片就真係乾身左啲。刺身整體合格嘅。壽司款式唔算多，無我最中意嘅火炙壽司。飯唔會好大舊，女仔都可以一口食到，但一夾就散，要改善，味道無問題嘅，花之戀好食。天婦羅炸粉厚，無咩味，反而吉烈炸蝦仲好食。放題少見嘅醉雞翼，入味，但肉較乾，煮耐左。一口雞，原來係麥樂雞。就係一舊一袋買返黎嘅麥樂雞咁。牛柳粒香口，但多筋，炒雜菇爽口。牛舌我覺得最好，外脆内爽，入味香口，食左6串。不過第二次叫果啲太鹹。炸雞軟骨，無跟沙律醬。蟹籽沙律碗仔翅有雪糕杯同雪糕球，香港製，杯裝似食空氣，球比較有咬口，足料啲。不過呢個價錢我覺得包返杯Häagen-Dazs就合理啲。埋單會每

Tin Chi is your average Japanese Buffet and doesn't try to distinguish itself by proposing anything special.For the price of $140 (plus service charge ) we were given a 2h buffet with your regular selection of sashimi (i.e. Salmon & amberjack), sushi, hot and cold dishes, as well as all you can drink soft drinks.The food quality was on par with other buffets of that price range, and the tables are sufficiently big to accomodate your orders.Incidentally, you can also chose to upgrade for $88 and

📍 天池日式放題📍 油麻地 • 彌敦道558-560號譽發廣場1樓❝HAPPY FRIDAY の 日式放題❞好久好久沒有吃過日式放題了，在九龍區吃放題，莫過於旺角/油麻地地區啦～這家《天池日式放題》在OpenRice不乏好評，在這天happy friday就來了試一下～星期五晚上的價錢為$228/位；另外可以以$88加購「升級套餐」，多很多很多廚師精選料理，還有多款啤酒！！所以強烈推薦升級套餐喔！環境來說是有進步空間的，因為抽風系統好像不太好… 廚房的煮食味道傳到客人座位，呼吸有點困難🥵 （可能是因為我們坐得比較近廚房）這裡採用電話點餐，食物分類一目了然，較環保，也減卻漏單的可能（雖然還是有點item漏了哈哈哈）麒麟一番搾Kirin Ichiban frozen beer以「升級套餐」，可以體驗一下倒啤酒的感受🍻這款Kirin Ichiban frozen beer，味道很香，也比較甜，自己倒的好像更享受喔！其他飲品/甜品也可以在外面任拿～花之戀 | 岩鹽和牛壽司 | 加州蟹籽手卷 | 三文魚手卷手卷是自己卷的，可以體驗一下當壽司師傅的感受哈哈哈虎蝦 | 馬刀貝 | 三文魚 | 甜蝦

無一樣野好食，有朋友介紹，見用made in hong kong 雪糕就黎左同媽媽慶祝生日，點知除左刺身同燒菠蘿係叫正常之外...真係搵樣好食既都冇...相同現實不符係預左...但炸雞變左麥樂雞，韓式醬辣雞塊變左雞串加辣醬，海膽燒蠔係酸既，田樂茄子係油浸茄子...呢啲咩玩法？ 🙄啲野全部好似落左糖當係鹽咁😵😵😵好難食...超失望.........野飲選擇又少...跟本就唔抵...個77個讚係邊度黎？ 服務又係hea...零可取。

已經好耐冇食過放題了，今次係答應了仔仔先來，因佢完成左我比佢的要求。仔仔和我本身都係超愛食日本野，特別刺身和壽司，以前仔仔細我唔會比佢食生野，但現在開始大了，佢食過刺身後就愛上。今次同佢來天池我們叫了很多刺身和壽司，珍寶阿根廷赤蝦超新鮮和大隻我們食左好多，三文魚，甜蝦，帆立貝都好甜。呢到有個海膽甜筒，好得意估唔到咁配搭都幾好味。壽司都做得唔錯一口一件，最欣賞黑松露帶子壽司，入口好香黑松露，花之戀都包得好靚。天婦羅的炸醬唔錯唔會太厚， 香蒜牛柳粒好多肉汁。其他炸物都唔錯特別愛榴槤炸彈，甜甜的。食完咁熱氣的野，我和仔仔緊係唔會放過食雪糕的環節啦！仔仔食左榴槤雪條，而我就食左另外兩款雪糕，食完真係好滿足咁離開了。呢到枱分得幾開，食野時都可以好放心。

今日同朋友黎咗旺角嘅天池食放題。餐廳午市除咗提供午市定食外仲提供放題呢個選擇。放題有炸物、刺身、燒物、壽司等等，每樣嘢食都整得好有心思。我同朋友叫咗蒜蓉牛油焗扇貝、焗海膽黃金蠔、脆脆卷、羊鞍、雞軟骨、海膽赤蝦壽司、吞拿魚壽司🍣、油甘魚、赤蝦、天婦羅🍤、帆立貝、榴槤炸彈、三文魚、蟹柳沙律。當中我覺得最好食係餐廳嘅榴槤炸彈同炸雞軟骨。榴槤炸彈外脆內軟，入面榴槤香甜可口、熱辣辣咁，而個炸雞軟骨亦炸得香脆可口。至於刺身，我最鐘意係餐廳嘅三文魚，食落鮮甜可口，而餐廳除咗有果汁供應外，仲有雪條作為飯後甜品，可以話係食過番尋味，我下次一定會再番黎食！！😋

由於之前限聚令關係好耐無同班朋友一齊出黎食食食了，因為朋友生日關係終於有機會出來搵食，夏天熱辣辣最岩食刺身，所以我地揀左天池日式放題。因為我地今次有提早訂位，所以不用等，一去到就有位了。餐廳環境都十分乾淨衛生，坐位亦算舒適。而餐廳亦為每位客人準備了膠套放置口罩，十分貼心。這裏點餐是用手機掃描qr code點餐的，方便快捷又衛生，不用掂餐牌。這裏的菜式有刺身又有熟食，我們幾個第一時間就叫了刺身拼盤，而且很快就上菜了，不用等很久。這裏的刺身都算新鮮，當大甜蝦刺身最吸引我，蝦肉爽口鮮甜，一口吃下去，大滿足。另外，我們亦叫了一些壽司、卷物、天婦羅、壽喜燒和蒜香牛柳粒。當中花之戀和卷物外觀精緻，味道亦很好。天婦羅炸粉夠薄不油膩，蝦夠新鮮。而我最愛就是牛肉壽喜燒和蒜香牛柳粒，牛肉壽喜燒有半生熟蛋，吃牛肉點點蛋漿，好正！蒜香牛柳粒夠香口，好味！今次一次放題食到刺身和牛肉兩種我最喜歡的食物，大滿足！但係美中不足就係款食太多一次食唔晒呀，唯有下次再嚟試。

第一次和朋友來到天池日式放題，入到去感覺空間幾寬落，唔會因為想擺多幾張枱而 Pack 到密密麻麻，背對背貼住坐，同朋友可以自成一角，傾計眾舊一流。另外試過咁多間日式放題，天池係第一間唔需要用紙落單，取而代之，係用QRCODE 登入餐廳嘅菜單，直接係自己手機落單，所有菜式都一目了然，係一個幾方便的體驗。唔知喺咪因為全電子落單嘅感覺，食物都跟得好足同快，完全無漏單嘅情況出現。食物方面，因為同一大班朋友的關係，我地都試左好多唔同款式，當中要數最印象深刻就係各類的刺身，當中包括吞拿魚，帶子，油甘魚，三文魚，北寄背，全部都好新鮮同鮮甜，仲有係其他地方未試過嘅脆筒海膽，新奇又好味，值得一試。另外大蝦刺身真係好巨型同鮮甜，搞到我地都 encore 左幾round。仲有串燒菠蘿同天婦羅都係必試菜式。飲品方面，一大班朋友眾舊當然唔少得要啤一啤佢，而天池免費提供啤酒任飲，當然仲唔少得各類汽水檸檬茶。但甜品就唔及其他放題有 movenpick 或 haagen dazs 提供，但都有唔同雪糕提供，完場既時候試左牛奶同沖繩海鹽都唔錯。整體黎講三百蚊都算值回票價。

上星期限聚令終於放寬了，朋友們急不及待想出來聚聚了。今次我們一行六人來到了這家新開將的天池日放題餐廳試試。由於朋友訂了座，我們不用等便可以直接入餐廳就座。餐廳很細心，為我們準備了一個膠套放置口罩，感覺很衛生。這裡是用QR code點餐的，基本的魚生和熟食都有。我們首先點了一round 刺身。刺身都算新鮮，不會有太大雪藏味，特別值得一讚是大甜蝦，肉身非常爽口鮮甜，我們也忍不住encore了兩次。海膽帶子甜筒也很特別，沒有在別的放題吃過。熟食方面叫了天婦羅蝦和蟹柳，天婦羅炸粉分量剛好，食落好鬆脆，天婦羅蟹柳比較特別，值得一試。芝麻雞翼，燒牛肉，焗帶子味道也不錯。最後這裡還有雪糕任食，我選了海鹽味和牛奶糖味，感覺滿足

我未試過去一間放題可以食到咁失望...今晚諗住食好啲，決定試下呢間放題。呢晚大約8點到，價錢$228， 我加佐$88升級放題可以食多啲野。開始落單發現每個種類平均得5樣野揀，升級放題係額外一個menu，但好多野都已經售罄，選擇好少。我有一刻仲以為係佢冇幫我升級到$88嘅set。我去其他放題店用呢個價錢應該可以食到更多種類既食物...食物黎得好慢，叫佐嘅食物又好多都冇黎到。食物普通，相信今次會係最後一次黎呢到食放題！

絕對中伏的放題！野食款式唔多，無咩野食！要食好野要加錢！加錢後成300蚊一個人！唔低食！服務又差！叫十樣野，九樣都無！佢話apps有既食物，一定會有！但叫左3轉野食，一次都無來！搵服務員講又唔理，只係講「係咁定啦！廚房好忙」漏單情況嚴重！次生款已唔多，叫個樣無個樣！次生數目叫一次少一款野！個個食客最後都要點個拉麵！成檯碟無食收！出菜超慢！食到好火爆！中伏到一個點！絕對絕對絕對不會介紹朋友！300幾蚊，食到一肚氣！