Tipsy Tap (已結業)

为酒而黎！
一入黎已经见到Banner上面有好多款酒，初时都唔知拣边只好，职员就话可以试酒，仲细心问我中意咩味（苦、甜、果味？），最后拣咗5号Reminisce ABV5.2%，味道算系清清地，麦味唔算太重，系易入口类型！店员先送上一碟香脆、盐味蚕豆，真系令人食唔停！然后第一道菜特浓芝士莎莎墨西哥脆饼，超香脆又够热，沾芝士酱又系食唔停。焗田螺配薯泥荷兰酱
其实几中意田螺配薯蓉，因为焗完成道菜又香口又够热、薯蓉香滑、田螺够滑又弹牙。而呢间餐厅好细心，整走埋田螺壳，食𠮶阵就更加方便！
脆煎浓香西班牙橡果厚切黑豚扒黑豚扒好大块，表面焦香、肉汁丰富，黑豚扒仲有橡果香味。同碟仲有蘑菇，细粒再配埋炸蒜片，食落都几好食，其实我好怕大块蘑菇又太多汁，呢碟细粒粒岩心水啲！
薯条几幼不过唔够热，如果粗身啲再加啲盐会吸引好多！