韓牛牧場 (已結業)

公司附近新开咗间韩式烤肉，晚市堂食开返，梗系要约返啲朋友去试吓，顺便聚一聚。呢间烤肉店采用放题形式，最特别嘅地方系用光波炉烧肉，好处系唔会好似用网炉明火烧咁易烧㶶同成日要叫人换网，而且仲可以将啲油份比较高嘅食材烧到脆卜卜，好似鸡皮串、五花肉呢啲😍店内仲有温馨提示不同食材类别大概烧几耐俾食客参考，几贴心～🔸烧烤类食材🔸我同朋友就拣咗美国安格斯牛同西班牙猪嘅餐，上烧肉之前会有刺身拼盘同酱油虾做头盘，酱油虾好高质，入味得嚟又新鲜。牛肉唔会雪到黑晒，油花唔算多但好有肉味✨仲有多款海鲜，例如海虾、青口同扇贝等，每样都好新鲜，尤其海虾，肉质爽口😋除咗肉类，都要烧吓蔬菜平衡下，蔬菜选择都唔少，个人私心推介鸡脾菇同菠萝！🔸沙律、小食、饮品、甜品🔸韩式放题点少得食炸鸡，小食即叫即炸热辣辣好正。仲有自助沙律吧，既然食韩式烧烤，点都要试吓泡菜，食完好开胃，又可以继续烧多啲肉🤪饮品同甜品都有好多款，甜品仲系我最爱嘅韩国雪条，多款口味任君选择😚