影片
更多
2016-03-22
559 浏览
一向好夜收工，好彩返到光辉围屋企左近仲有好多餐厅未收，由上年年头开始多左呢一个新选择，可以话变左我其中一间饭堂，相比起左右隔离佢唔系平，光辉围比较多平民食市，要平真系二三十蚊扫街食得饱，但系又唔可以咁计，因为晌呢到食紧既系烧海鲜，我差不多一星期都会黎一次，有时系同朋友，不过多数系一条麻甩佬，叫一碗乌东，几吋吋烧或者几只烧豪，两三支啤酒，百零蚊食完好满足。之前岩岩开既时候有个老板仔得闲时会同客人吹下水，个感觉就好似深夜食堂咁，虽然食店老板同客人打成一片系光辉围小店既特色，晌第二个区好少有。因为光辉围主要都系做熟客生意，加上一般小店系老板做埋楼面，同其他区连锁店好大分别。。。不过近几个月好似好少见果个老板，其它员工木口木面，唔算系无礼貌不过无左份帮衬小店既人情味。any肥，呢d都系extra既，服务方面无扣到分。。讲翻正题，我钟意食烧鸡，佢有好多种唔同既酱汁烧法，通常我就每样叫一串，仲有好少地方食到咁脆既烧鸡皮，无叫鸡亦因为相对地普通。佢有几款拉面同乌东，我通常食猪软骨乌东，汤好鲜甜乌东好滑，唔系果种好粉或者好实既低级野。另外佢有4种方法烧蚝，其中辣汁最好食，值得推介，不过我通常一次过叫晒
64 浏览
0 赞好
0 留言
四式烧蚝
$60
70 浏览
0 赞好
0 留言
题外话/补充资料：
最后，点解我咁耐唔出食评，呢排会揾翻d旧相 post 出来介绍，因为见佢呢排生意差左几多，以前通常都会full，而家有时得一半客人，话晒我都想呢间饭堂继续做，所以好既食店值得推荐下。。。
(以上食记乃用户个人意见 , 并不代表OpenRice之观点。)
张贴
