韓褔舍

营业中

休息中

每样嘢份量都超大，超级抵食，仲要免收加一，值得一试！！！出边睇唔到有座位，但入边可以坐低嚟食，空间感十足，环境都好干净企理，下次会再黎食！韩式牛肉芝士蛋包饭 $68 牛肉份量好多，酱汁唔太咸，热辣辣嘅饭卷配埋芝士有晒层次。韩式猪肉杂锦饭 $76个人觉得卖相系咁多个入边最靓，望到咁多配料已经好吸引，捞埋食啖啖蔬菜同肉。咁大兜饭如果细食嘅话可以两个人share，好抵食！10件炸鸡 $88炸鸡系即叫即炸！外皮又脆但又唔油腻，鸡件冇咩肥肉，搭埋个蜜糖酱甜甜地好好食！韩式五花猪肉炒粉丝 $76 入面有好多蔬菜配料，但整体嚟讲有啲浓味，如果淡味少少会更好。海带豆腐汤饭 $76个汤系即叫即煮，所以要等10分钟左右，饭另上。放上枱后已经闻到阵鲜味，饮落仲有鱼味，食到海带豆腐之余仲有小鱼干。韩式辣炒年糕 $76比我系韩国当地食更加多配料，多左蘑菇同蔬菜。年糕烟靭好好食，啲辣味好开胃。