鴨仔冰室 (已結業)

行完山黎到观塘食晚饭，被铁板扒吸引左入左去食，而且免收加一。我叫左大虾牛柳，男朋友叫左招牌西冷牛扒，加左$20要丹麦朱古力饼。每个套餐可以拣餐汤或沙律，包一杯餐饮。我拣左沙律，好大碟，份量好多。餐汤系忌廉粟米汤。大虾牛柳要左烧汁，淋落去咋咋声，真系好耐冇食啦。我拣左意粉，有唔少蔬菜，有大虾又有牛柳，好丰富。牛柳要左五成熟，唔会好韧。西冷牛扒好大块，边边有条肥膏，五成熟配黑椒汁。男朋友拣左薯菜，炸到好脆，好食。丹麦朱古力饼食落好似食紧朱古力砖甘，朱古力味浓，但几硬。最后饮埋冻柠茶。