一橋拉麵 (MOSTown新港城中心(4期))

营业中

休息中

马鞍山难得有新开嘅拉面舖，好期待去试吓！店舖座位唔多，平日下午帮衬都坐满，间唔中见到要排队。唔知系咪新开张，厨房有啲做唔切。今日order咗一碗拉面，落单后等咗25分钟先有得食🥲好彩今日唔赶时间，但系相信这个等候时间应该对很多顾客造成不便，亦解释到点解店外会出现人龙。叫咗期间限定的「海老浓汤叉烧拉面」，汤头ok 唔会太咸。拉面就煮太过腍，没有口感，份量较少（可能预咗客人免费续面）。叉烧好大阵腌制的酒味，盖过晒叉烧本来的味道☹️至于配菜木耳丝和葱丝份量唔多。个人认为味道一般，可取的是份量和不过不失的品质，$59呢个价钱总不能要求太高吧。另外，店舖需以手机落单兼即时付款。付款时，顾客需输入信用卡资料。对于已将信用卡捆绑手机而唔带卡出街嘅客人来说，实在有点不便。如可加入google pay/Apple Pay，让客人免去输入资料的麻烦会更好。