一橋拉麵 (MOSTown新港城中心(4期))

营业中

休息中

一橋拉麵 (馬鞍山)📍馬鞍山鞍祿街18號MOSTown新港城中心(4期)2樓2308-2309號舖一橋辛辣油麵胡麻豆腐胡麻櫻花蝦秋葵波子汽水（原味）走進馬鞍山的這家拉麵店，一下子就被它的魅力吸引住啦！這裡的每道菜都充滿了驚喜，讓人流連忘返～🍜 **一橋辛辣油麵**：這道油麵絕對是「辣」的代表！麵條勁道十足，下面的醬油與辣油完美融合，拌勻之後，每口都是一場味蕾的狂歡🎉。辣味的刺激讓人忍不住一口接一口，絕對是辣味愛好者的最愛！🍮 **胡麻豆腐**：這款豆腐讓人驚艷！豆腐細膩柔滑，上面鋪滿了櫻花蝦和木魚，讓整道菜更添鮮味。每一口都能感受到豆腐的醇厚與配料的香氣，真的是入口即化的極致享受😋。🥗 **胡麻櫻花蝦秋葵**：這道菜絕對是清新健康的代表！秋葵的爽脆，胡麻醬的香濃，再加上櫻花蝦的鮮美，讓這道菜的層次感十足。每一口都像在品嚐春天的味道🌿。🍾 **波子汽水（原味）**：這款汽水真的是懷舊與時尚的完美結合！一口下去，氣泡在口中跳動，讓人瞬間回到童年時光。清爽的口感無人能拒😍。這間拉麵店的每一個細節都充滿了對美食的熱愛與用心，值得一試再試！🍣✨

今日行過新港城，諗起有師兄/姐，提及有間新嘅排隊拉麵，咁今晚就試佢啦，店舖唔算大，排咗30分鐘左右。今日點咗海老濃湯叉燒拉麵個麵一上枱就聞到香噴噴嘅蝦油味，飲啖湯先～成口都係蝦味～麵方面軟硬適中(我口味)，叉燒，蛋，都正常招牌豚骨叉燒拉麵湯頭不屬於濃厚口味，屬於比較清爽，麵軟硬適中海老豚肉燒賣依個真係要試，佢用豬肉粒唔係免治(我細個食嘅廣式燒賣都係粒)，口感好好你會確確切切咬到豬肉同蝦肉，同你食一Pat漿包/免肉包出嚟嘅感覺完全唔同！👍🏻和風豬軟骨(90g)味道合當，醬汁比較濃稠味淋牛面肉(90g)入味，腍滑，味合適後話/補充：依間舖頭採用完全網上付款，及點餐，請留意。排隊等位位置與隔鄰的韓食店部份有重疊，排隊時留意。另，本身我點招牌豚骨叉燒拉麵出餐時比漏左筍，向店員表示之後以即刻補回，但感覺不是太好，因為筍是這麵基本有，除非客人剔除，出餐的員工亦應該注意，避免不必要的麻煩。戴返頭盔先，我覺得好唔好食≠你覺得好唔好食，好唔好食因人而異。

好中意係門口已經有嘅裝修，排緊隊果陣總係會期待又按捺不住周圍望唔似會係商場見到嘅拉麵店有吧枱有一般枱，坐吧枱果陣師傅會直接將煮好嘅麵條遞比你好似係日本拉麵店食野咁店內裝修都好靚，有好多日式嘅掛畫拉麵有三款，經典嘅海老湯同埋豚骨以外，仲有一款係無湯好特別嘅拉麵Menu有拉麵嘅詳細介紹，無論湯同埋麵條都係自家製幼身嘅拉麵，好掛湯兩款湯底都好濃郁又香大啖咁飲都唔會覺得鹹海老濃湯叉燒拉麵招牌大盛豚骨叉燒拉麵就算大盛都係$59，每碗都有齊配料糖心蛋都有完整一隻叉燒都大大塊每碗仲可以免費續碗一次，超佛心胡麻櫻花蝦秋葵好清爽嘅味道，加埋櫻花蝦好特別味淋牛面肉牛面肉超淋，用筷子輕輕力已經可以夾開波子汽水無湯拉麵結果因為落單果陣睇錯咗而無嗌到XD但因為依間好好食，所以下次再嚟試埋佢﹗

馬鞍山一直都有美食沙漠之稱😲但係近年已經開始慢慢洗脫呢個「美名」，因為近年已經有唔少新餐廳進駐👏🏻👏🏻「一橋拉麵」就係其中一間新進駐新港城嘅小店，平日晚市門外已經排起長長人龍，細看餐牌見到除咗有拉麵之外，仲有油麵同點心小食，重點係價錢超級貼地，拉麵都係$49起，仲可以免費續麵😆😆一橋油麵油麵其實係乾拌拉麵，沒有豬骨濃湯但有店家自家製嘅醬汁同調味油，大盛油麵仲有日式叉燒同溫泉蛋添，賣相色彩繽紛十分吸引🤩食之前先將所有食材拌勻，第二口仲可以加入果醋加添風味👍🏻👍🏻海老濃湯叉燒拉麵呢款係一期一會期間限定款，上台後已經聞到非常濃郁嘅蝦湯味，用上幼拉麵🍜掛湯效果更佳，溏心蛋🥚嘅流心蛋黃淨係睇麵流哂口水🤤食到最後可以留少少湯再續麵😌海老豬肉燒賣日式中華料理中嘅人氣之選，差唔多每一枱都有叫，燒賣仲用咗點心籠去蒸，燒賣粒粒都好大粒，食落去仲有粒粒蝦肉，認真係真材實料，食落完全唔俾中式酒樓差👍🏻👍🏻胡麻櫻花蝦秋葵秋葵加上胡麻醬相當清爽開胃，面頭仲放上滿滿嘅櫻花蝦加添風味同口感

早排就知道有間新開拉麵係馬鞍山新港城開左，呢間真係好想試，今日就約左朋友黎品嘗下。門外到入面裝修都好日本感覺，我地叫左兩款拉麵同兩款小食試吓。招牌大盛豚骨叉燒拉麵，湯底濃而不咸，望到兩隻蛋都已經好吸引，一啖咬落去好香好濃嘅蛋味，試埋個叉燒真係好好味，拉麵嘅煙韌度都好適中，我朋友就叫咗海老濃湯叉燒拉麵，佢覺得個湯底好鮮甜，而且叉燒都好好味。小食叫咗味淋牛面肉，估唔到個牛面肉咁淋同咁香牛味，可以話真係好好食，另外一款小食我哋叫咗胡麻豆腐，呢個胡麻豆腐唔單只係豆腐上面只有胡麻醬咁簡單，佢仲有啲蝦乾仔同埋木魚，第一次咁樣食，我覺得真係超正。最後仲叫咗兩杯熱嘅玄米茶，天氣咁凍，食完嘢飲返兩杯茶真係好圓滿。

馬鞍山難得有新開嘅拉麵舖，好期待去試吓！店舖座位唔多，平日下午幫襯都坐滿，間唔中見到要排隊。唔知係咪新開張，廚房有啲做唔切。今日order咗一碗拉麵，落單後等咗25分鐘先有得食🥲好彩今日唔趕時間，但係相信這個等候時間應該對很多顧客造成不便，亦解釋到點解店外會出現人龍。叫咗期間限定的「海老濃湯叉燒拉麵」，湯頭ok 唔會太鹹。拉麵就煮太過腍，沒有口感，份量較少（可能預咗客人免費續麵）。叉燒好大陣醃製的酒味，蓋過晒叉燒本來的味道☹️至於配菜木耳絲和蔥絲份量唔多。個人認為味道一般，可取的是份量和不過不失的品質，$59呢個價錢總不能要求太高吧。另外，店舖需以手機落單兼即時付款。付款時，顧客需輸入信用卡資料。對於已將信用卡捆綁手機而唔帶卡出街嘅客人來說，實在有點不便。如可加入google pay/Apple Pay，讓客人免去輸入資料的麻煩會更好。

馬鞍山(一橋拉麵)店舖裝潢日本style，店員送餐也很快捷，也很有禮貌仿如置身日本食店；還有每一款麵可以追加一次麵條👏👏❣️海老濃湯叉燒拉麵海老濃郁的湯鮮味和香氣四溢。叉燒肉質鮮嫩，麵條滑順彈牙，口感層次豐富❣️招牌大盛豚骨叉燒拉麵湯底濃厚且滑順，充滿豚骨香醇味道，湯色奶白。叉燒肉質軟嫩，油脂分佈均匀，入口即化，與Q彈的麵條相得益彰。溫泉蛋的黃心流淌，為湯底增添絲滑與豐富的口感。❣️麻辣豚肉燒賣外皮薄而Q彈，內餡則是豬肉與香料的完美結合。每一口都散發著麻辣的香氣，讓人感受到濃郁的辣味與微微的麻感，刺激味蕾。❣️海老豚肉燒賣每一顆燒賣都包裹著新鮮的蝦仁和豬肉，豐富的內餡讓人一口咬下即能感受到海鮮的鮮甜與豬肉的鮮嫩。外皮薄透，柔韌而不失Q彈，完美包裹著內餡的鮮美。❣️和風豬軟骨軟骨的口感細膩，經過慢燉後變得柔軟，入口即化。醬汁的味道恰到好處，帶有清甜的醬油和微微的味噌香，完美襯托了豬肉的鮮美。

朋友話我知上個月馬鞍山開咗新嘅拉麵店，店內掛上咗燈籠好似去咗日本拉麵店咁，雖然座位唔多，不過我哋都係等咗一陣就入得。坐低之後，我哋決定一人一碗麵再加配小食，兩個人食，人均都係$100左右好抵食呀！原來餐廳以「拉麵平民化」為目標，$50左右就可以食一碗豚骨湯拉麵，而且湯料仲用咗精選食材熬制，保存鮮味之餘，仲無添加㗎，食完都唔會覺得口渴！店員見我哋食到咁上下，仲提我哋可以續麵一次，追加麵條，大食嘅朋友都可以試下加麵呀😚呢度嘅拉麵口感充滿彈性，加上湯底濃郁香醇，除咗有柔嫩入味嘅叉燒，仲有溏心蛋，冬天食熱辣辣嘅拉麵，好開心呀～平時拉麵店小食多數會配餃子，今日就有其他選擇，我哋就叫咗糯米豚肉燒賣，好似食緊糯米雞🤭 有醬油嘅鹹味，口感鮮嫩。而豬軟骨同樣入味軟腍，肉味香濃。✨招牌豚骨叉燒拉麵✨海老濃湯叉燒拉麵✨海老豚肉燒賣✨和風豬軟骨✨胡麻豆腐✨醬油糯米豚肉燒賣

呢排馬鞍山開咗新嘅拉麵店，行過幾次都要排隊，今日豬太郎唔算太餓，決定都排一排佢。有啲可惜油麵已經賣晒，下次一定會再嚟食！.➜海老濃湯叉燒拉麵蝦湯味好濃厚唔會過鹹，麵體係幼麵，比較軟身。配料已經有齊晒溏心蛋，唔洗另外加，啱晒平時成日要加蛋嘅豬太郎！！.➜招牌豚骨叉燒拉麵勁抵食！大大碗麵只係 $49！仲可以免費續麵，啱晒男士同大食嘅朋友～.➜海老豚肉燒賣用咗勁Q嘅小蒸籠上菜，每粒都結實飽滿，而且食落豬肉同蝦肉都好爽口，無酒樓嘅油膩。.➜醬油糯米豚肉燒賣第一次食糯米燒賣，口感好煙韌，有淡淡嘅香料唔會太濃。.餐廳唔算好大，但有吧位可以邊睇師傅煮食邊食，味道唔錯，價錢又夠親民，難怪咁多人排隊啦！#msmessypig_food

新港城近排開咗唔少新嘅餐廳，其中有一間拉麵舖一到食飯時間就會排晒長龍，睇嚟應該都幾有吸引性我哋夜晚八點落去排隊大約排咗三四個字就入得啦，餐廳以開放式廚房為設計，所以內裏坐位唔算好多，但係可以俾我哋大約睇到製作過程海老濃湯叉燒拉麵$59湯底有濃郁嘅蝦味，而且係用呢個日本嘅幼身拉麵，所以好容易掛到啲湯上去，另外配料都非常充足，重點係可以免費續面一次唔夠飽都可以食到飽海老豚肉燒賣$19用一個小木籠承載，每粒都結實飽滿，而且食落去係滿滿嘅豬肉口感，味道道唔錯胡麻櫻心蝦秋葵$19清爽嘅秋葵，加上胡麻醬同埋有少少脆口感嘅櫻花蝦口感特別

今日終於考車成功啦🈴當然要慶祝一下，咁女朋友就帶我嚟左馬鞍山新港城最近新開嘅一橋拉麵食餐好由於我地食飯時間先去，所以餐廳外已經出現一條小人龍，好彩大約等左三個字左右就入得啦😆餐廳以開放式廚房為設計，所以內裏坐位唔算好多，但係可以俾我哋大約睇到製作過程👨🏻‍🍳一橋油麵（大盛）$49🍜食之前職員教我哋要落醋同埋香油落去一齊撈嚟食咁會更加好味，個人認為如果再落少少辣香油嘅話會好更加惹味，貪心嘅我為咗食多兩塊嘅叉燒我決定叫大盛，令到有滿滿嘅叉燒鋪面🥓味淋牛面肉$19🥩烹煮到非常軟腍，用筷子輕輕一夾都可以將肉塊撕開，而且煮得相當入味

最近屋企樓下的商場開了一間價錢實惠的拉麵店，今天和家人前來試試發現性價比真是很高而且湯底很濃郁1.招牌豚骨濃湯拉麵＄59兒子點了「招牌豚骨湯麵」，豚骨湯味濃郁，麵是自家製的日本拉麵，好味，還有免運續麵2. 油麵- 沒有湯的拉麵＄49店內另一個特色就是油麵-「沒有湯的拉麵」，麵使用較粗的麵條，伴上自家製叉燒、溫泉蛋自家製醬油像拌麵撈勻同食，感覺油面很適合愛健美的女士，沒有湯正好熱量會較低3.自家製燒賣＄19自家製燒賣，店內有三款中華燒賣，我們點了「麻辣豚肉燒賣」，入口軟軟的比平時燒賣大粒，小朋友們至愛、相當抵食，值得推介個人覺得坊間平時拉麵店動輒要＄100左右一碗一家吃起上來四$500埋單少不了，這無疑提供了我們普羅大眾一個性價比高，而又有水準的選擇

一分錢一分貨，蝦湯拉麵還可以，但招牌拉麵就敗露出湯頭欠誠意，極之普通到唔會想食多次。味付け玉子及格，附上三片不能稱為チャーシュー既豬肉，細麵本質上沒有細麵應有的輕盈感之餘，更顯得湯頭深度不足。整體上以拉麵黎講可算是虛有其表（其實賣相也很普通）。收費不算貴，以“千円ラーメン”來說，我會覺得用返7算8算黎計，做好一碗拉麵會較有吸引力，但若以而家差$49～59左右一碗麵既收費黎講，食碗雲吞麵味覺上會較有滿足感。如果只係以普通麵食黎評論，係Ok既。