北斗翁頂尊火鍋料理 (已結業)

朋友生日约打边炉, 话想试一试新餐厅, 拣左太子的北斗翁餐厅环境舒适, 唔多似火锅店, 反而似日本餐厅, 仲有梳化卡位, 不过今次人多, 坐唔到讲返野食先我们叫左椰子鸡锅, 牛肉(免费), 水饺, 响铃, 虾滑拼墨鱼滑, 芝士墨鱼面, 猪润, 珊瑚蚌, 年糕袋, 黑柏菜, 冰豆腐, 菜篮椰子鸡锅, 有半只鸡, 感觉好抵, 好香椰子味, 唔太咸牛肉, 原来而家做紧星期一至四免费试食牛肉, 我们5个人, 送一碟细的, 牛肉好淋好好食~~响铃, 又松又脆, 不过同椰子汤好似唔系好夹 年糕袋, 黑柏菜, 平时火锅店比较少见的食材, 贪得意试下, 都OK水饺, 差不多BB仔拳头咁大, 朋友数过有3只虾系入面虾滑拼墨鱼滑, 唔错, 双拼份量都唔少芝士墨鱼面, 真系有芝士味, 质感同鱼面差不多猪润, 珊瑚蚌, 都好新鲜; 冰豆腐, 好厚一块, 超级吸汤 菜篮, 份量好大, 有生菜, 娃娃菜, 白菜仔, 几种唔同的菇, 见差不多台台都有点 餐厅做紧的优惠, 宵夜8折仲送鲍鱼, 有机会再试下