Triple O's by White Spot (太古廣場二座)

营业中

休息中

Triple O系我细细个食过最好食嘅burger，当然都系同麦当劳嘅汉堡包比较！细个真系觉得好好食！差唔多好多年都冇食，今日经过，谂住追番之前嘅回忆，即刻同朋友去试吓！金钟呢间分店，地方细细，本身就系一个supermarket 入面，系lunch Time见到人头涌涌，个个都买紧外卖，净系见过收银都大把人排队！但奇怪嘅系Triple O竟然冇人排队，而且仲有好多位坐，真系好奇怪！我有少少怀疑会唔会中伏，结果我都系坐低，同朋友各叫咗一份套餐，佢食鱼柳汉堡，我食传统牛肉汉堡。两个burger都系正常，绝对唔会唔好食，但可能试过其他burger，以前神级嘅burger已经变得失色，另外薯条一样系粗粗嘅薯条，但系都系一样，变得正常！人嘅期望会越嚟越高，我觉得佢都应该要进步，如果唔系最终会被淘汰！希望你加油！