北京水餃店

营业中

休息中

呢间北京水饺店真系由细食到大，细细个放学后好钟意嚟呢度买个馅饼一路返屋企一路食，大个左出嚟做野，出面乜都有，已经好耐无返嚟帮衬。今晚一于嚟怀缅下，原来宜家有晚餐，坐坐下7点几已经座无虚席要等位。叫左担担水饺面+豆浆 $45，好抵食！一心以为担担面系浅啡色花生果只，点知差咁远，白雪雪嘅面条上面有一堆肉酱，话佢系炸酱面都不为过，每碗有三只饺子，系韮菜猪肉馅，好大只，一只等于人地两只，啲面唔粗唔幼啱啱好，面质偏淋身，但唔会木挞胃好饱肚，肉酱无乜特别，整体偏咸，有少少辣，如果喺出面食北京菜嘅地方呢碗面一定唔合格，但唔知点解我就系觉得好啱口味！