渣哥一九九六 (已結業)

返工放工想食啲小食填肚，响九龙湾地铁站附近就只有7仔，OK 嘅劣质鱼蛋、烧卖、捞面 。苦候多时，终于有渣哥出手！香港人对街头小食真系有少少情意结嘅！虽然都系鱼蛋、烧卖、肠粉、碗仔翅，但有冇❤ heart 一食就知 - 渣哥系有 ❤嘅！今日见渣哥亲自落单，流程快咗好多好多买嘢食唔驶排长龙，所以就试吓我至爱两沟碗仔翅喇！碗仔翅（净翅$20~$25，两/三沟$30）价格比坊间贵少少，但高质 👍🏻而且佢系最接近儿时街边小贩嘅味道 😋，汤底有冬菇，木耳，粉丝，肉丝，材料十足！木耳切到粉丝咁幼，冬菇味浓，勾芡浓度刚好，属汤羮浓度！唔似坊间用生粉勾芡杰哒哒。鲮鱼肉爽口弹牙又滑嘟嘟，而且仲有鱼味！加埋浙醋，胡椒粉，麻油，堪称完美经典！食物质素好，但服务效率就真系……我今日放工人流少啲，点咗一碗两沟都要就等足5分钟以上，坊间实属少见！如果系朝早返工时间就更夸张 - 落order 排队等足10分钟，等餐又等5分钟……需知每日返工买早餐都系争分夺秒嘛！如果可以改善到效率问题，我一定再帮衬试多几款美食㗎！