Glasshouse Greenery (K11 Musea)

营业中

休息中

4/4/2021 星期日 儿童节，天阴毛毛细雨，最好行商场食午餐。选择Glasshouse ，喜欢佢食物款式乜都有，又好食，饮品亦多种类，侍应招呼好有礼貌，环境舒适。首先叫咗两杯饮品，有云雾士多啤梨🍓，好似士多啤梨奶昔，好饮。另一杯系 冻茘枝果茶，大大杯，够清凉解渴！正呀！头盘 法式吞拿鱼沙律，开胃，增加食欲！小食拼盘，有虾饼，鱿鱼须，春卷，沙嗲串，蜜糖鸡翼，样样都好脆口。主菜有松露芝士焗猪饭，芝士覆盖面层，热辣辣粒粒饭，香喷喷呀！要圆圆满满，梗系唔少得甜品啦，我哋叫咗一个香草脆皮梳乎厘，面上有一层焗得脆脆，好似墨西哥包嘅脆脆面，太好味喇！嚟过这餐厅两次，食物保持水准，而且每次都有惊喜，期待下次帮衬时，睇吓又有什么推介。