RBTea

营业中

休息中

想当年读书时，每星期总会食一次RBT。经过多年，呢只兔仔终于长大咗，仲改咗名叫RBTea....始创店，环境真系几舒服，平日行过上嚟休息吓，都唔错。由于餐厅系半自助，职员唔会行嚟行去左住你。黑椒牛肉松饼三文治，值得推介，点解？？因为松饼唔一定系甜品，唔驶次次配雪榚同糖浆，原来仲可以配日式芥末酱，加几块生菜、蕃茄同牛肉，配搭好啱咀形 。而且松饼外脆内软，有蛋味，系我最buy的口感 。焗忌廉野菌螺丝粉，用料丰富，除什菌外，还有烟肉，而且螺丝粉不会焗得太干 。蓝莓冰雪乐，大大个雪榚球，三十几度下的消暑极品，再配上我至爱的蓝莓沙冰，爽 。而且沙冰中有好多蓝莓碎，不像其他店的只用蓝莓酱，赞！